medium

thumbnail

small

custom-size

Sturluhátíð haldin í Dölum í dag

large

1536x1536

2048x2048

„Meirihlutinn á alltaf að ráða för“ segir bæjarstjóri Snæfellsbæjar

Hljómsveitin Brek spilar í Hallgrímkirkju á sunnudaginn

Næturlokun Hvalfjarðarganga í næstu viku

Kjarnorkukafbáturinn USS Newport News í Hvalfirði

Framkvæmdir hafnar við þjónustustöð N1 á Akranesi

core/freeform

Slitnir strengir, sem áður hét Þjóðlagasveit Tónlistarskólans á Akranesi, fékk á þjóðhátíðardaginn útnefningu sem bæjarlistamaður Akraness árið 2016. Tók Skúli Ragnar Skúlason stjórnandi og stofnandi sveitarinnar á móti viðurkenningunni. Sveitin hefur verið starfrækt í þeirri mynd sem hún er í dag allt frá 2001. Regína Ásvaldsdóttir bæjarstjóri sem afhenti viðurkenninguna sagði að í rökstuðningi menningar- og safnanefndar fyrir valinu kæmi fram að þjóðlagasveitin hefði algera sérstöðu á íslensku tónlistarsviði, með að samþætta í listsköpun sinni ólík listform í heildrænu verki. Hljóðfæraleikur, söngur, leiklist og ljóð væru aðalsmerki sveitarinnar. Hefur hljómsveitin vakið mikla athygli fyrir nýstárlegan flutning.

Í Slitnum strengjum eru 19 fiðluleikarar, allt konur á aldrinum 18-27 ára. Að auki hafa þrír meðleikarar fylgt hópnum sem leika á slagverk, bassa og píanó. Það eru þeir Birgir Þórisson, Eiríkur Guðmundsson og Sigurþór Þorgilsson. Fiðluleikarar og flytjendur í sveitinni eru: Arna Pétursdóttir, Ása Katrín Bjarnadóttir, Gunnþórunn Valsdóttir, Halla Jónsdóttir, Harpa Lind Gylfadóttir, Helena Másdóttir, Helga Margrét Aðlalsteinsdóttir, Hjördís Tinna Pálmadóttir, Hrefna Berg Pétursdóttir, Hlín Guðný Valgarðsdóttir, Hulda Halldórsdóttir, Jóhanna Gréta Hafsteinsdóttir, Karen Guðmundsdóttir, Kim Klara Ahlbrech, Kristín Ragnarsdóttir, Lena Gunnlaugsdóttir, Ólafía Laufey Steingrímsdóttir, Unnur Þorsteinsdóttir og Ylfa Flosadóttir.

Þjóðlagasveitin Slitnir strengir hefur haldið fjölmarga tónleika hérlendis, meðal annars á stóra og nýja sviði Borgarleikhússins og síðastliðið vor í Norðurljósasal Hörpu. Sveitin hefur og haldið tónleika í Danmörku, Skotlandi, Frakklandi og Þýskalandi. Sveitin hefur unnið með þekktum listamönnum auk þess sem Sinfóníuhljómsveit Íslands hefur í tvígang leitað eftir samstarfi um tónlistarflutning. Eins og nýverið kom fram í viðtali við Skúla Ragnar í Skessuhorni hefur sveitin unnið að upptökum á nýjum geisladiski sem hann áætlar að komi út með haustinu. Þeirri vinnu mun ljúka með útgáfutónleikum.

Slitnir strengir eru bæjarlistamenn Akraness 2016