Hafrannsóknaskipið Bjarni Sæmundsson.

Könnuðu ástandið í sjónum við landið

Árlegum vorleiðangri Hafrannsóknastofnunar lauk 1. júní síðastliðinn. Farið var á rannsóknaskipinu Bjarna Sæmundssyni. Leiðangurinn var liður í langtímavöktun á ástandi sjávar, næringarefnum, gróðri og átu á hafsvæðinu við Ísland. Í samantekt um niðurstöðu leiðangursins segir; „að hiti í efri sjávarlögum í hlýsjónum sunnan við landið, líkt og var vorið 2015, hafi verið nokkuð lægri en verið hefur að jafnaði síðustu tvo áratugi. Selta var heldur lægri en undanfarin ár sunnan við landið. Hiti vestan við land var nærri meðallagi og hafði hækkað frá því á síðasta ári. Yfirborðslög fyrir norðan og austan land voru um og yfir meðallagi í hita og seltu. Vorkoma gróðurs var víða vel á veg komin. Mest áberandi voru nær samfelldir gróðurflekkir yfir landgrunninu bæði norðan og sunnan landsins.Átumagn var nálægt langtímameðaltali.“

Líkar þetta

Fleiri fréttir