Steini við Geirabakarí í morgun, þar sem ferðin hófst. Ljósm. Ingibjörg Hargrave.

Steini lagði af stað úr Borgarnesi klukkan 10

Þorsteinn Eyþórsson, 62 ára Borgnesingur, lagði af stað í morgun hjólandi úr Borgarnesi áleiðis hringveginn. Eftir hressingu í Geirabakaríi var lagt af stað og hjólaði Ingibjörg dóttir Steina með honum fyrsta spölinn. Fyrsti áfangastaður í ferðinni er Hrútatunga. Steini kveðs ekki ætla að verða með neinn æsing í ferðinni og stefnir á að taka 16 daga í hrinferðina, en það jafngildir 85 kílómetrum á dag. Steini segir þessa ferð fyrst og fremst vera áskorun á sjálfan sig en einnig ætlar hann að láta gott af sér leiða og safna peningum fyrir ADHD samtökin. „Þetta málefni stendur mér nærri en ég á nokkur barnabörn sem eru greind með ADHD,“ segir hann. Hægt er að fylgjast með ferðinni á Facebook en þar hefur Steini opnað síðuna: „Athygli já takk hjólað hringinn.“

Reikningsnúmer fyrir söfnunina er: 354-13-200093 og Kennitala: 100354-7569.

Líkar þetta

Fleiri fréttir