Skuggi heldur Íslandsmót yngri flokka um miðjan júlí
Hestamannafélagið Skuggi mun halda Íslandsmót yngri flokka í hestaíþróttum 2016 dagana 14. – 17. júlí í sumar. Undirbúningur stendur nú yfir og er formaður framkvæmdanefndar Stefán Logi Haraldsson formaður Hestamannafélagsins Skugga. Framkvæmdastjóri mótsins er Svanhildur Svansdóttir. „Það er ætlun hestamannafélagsins Skugga að í Borgarnesi, á félagssvæði Skugga við Vindás, verði haldið glæsilegt mót þar sem saman fari góð aðstaða og að gaman verði fyrir þátttakendur, aðstandendur og aðra gesti að dvelja í Borgarnesi þessa daga. Skuggi væntir þess að þátttaka verði góð og verða drög að dagskrá kynnt fljótlega. Endanleg dagskrá ræðst svo af fjölda skráninga en áætlað er að skráningu ljúki 5. júlí,“ segir í tilkynningu frá framkvæmdanefnd Íslandsmóts yngri flokka 2016.
.png)
