medium

large

thumbnail

1536x1536

2048x2048

small

custom-size

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

Tvöföldun vegar um Kjalarnes ekki boðin út á þessu ári

Mikið viðbragð þegar leki kom að fiskibáti

core/freeform

Menntavísindasvið Háskóla Íslands veitti nýverið fimm kennurum viðurkenningar fyrir framúrskarandi störf. Verðlaunin eru afrakstur kynningarátakisins „Hafðu áhrif“ sem menntavísindasvið stóð fyrir á vormánuðum en þar gafst landsmönnum kostur á að tilnefna eftirminnilega kennara á vefsíðunni hafduahrif.is. Sögum þjóðþekktra einstaklinga var safnað á vef átaksins og í stuttum myndböndum sögðu þeir frá kennurum sem hafa haft áhrif á þá. Tilgangur átaksins er að vekja athygli þjóðarinnar á kennarastarfinu; hversu áhugavert og skemmtilegt það er og hversu mikil áhrif kennarar hafa á einstaklinga og samfélagið. „Viðtökurnar voru afar góðar en nærri 800 manns tóku þátt í átakinu og tilnefndu 350 kennara á öllum skólastigum. Sérstök valnefnd, skipuð sérfræðingum menntavísindasviðs, fór yfir tilnefningarnar samkvæmt ákveðnum viðmiðum. Niðurstaðan var sú að veita fimm framúrskarandi kennurum á leik-, grunn- og framhaldsskólastigi viðurkenningar fyrir framlag þeirra til kennslu,“ segir í frétt frá menntavísindasviði HÍ.

&nbsp;

<strong>„Frábær, fyndinn og skemmtilegur“</strong>

Í þessum hópi þessara fimm kennara hlaut Örn Arnarson, kennari í Heiðarskóla í Hvalfjarðarsveit, viðurkenningu. Í umsögn um hann segir: „Örn var frábær, fyndinn og skemmtilegur kennari sem kenndi manni að meta námið og náði vel til allra. Hann hafði einstakt lag á að gera námið skemmtilegt sem hjálpaði manni mikið við að rífa sig í gang og bæta námsárángur. Örn var alltaf hress, hjálpaði manni að finna réttar leiðir til að læra og kennsluhættir hans höfðuðu vel til mín. Hann bar virðingu fyrir öllum, kom vel fram og sýndi mikla þolinmæði. Hann hefur góð áhrif á allt nærumhverfi sitt.“

Aðrir kennarar sem hlutu viðurkenningar voru: Ásthildur Kjartansdóttir Breiðagerðisskóla, Hildur Hauksdóttir Menntaskólanum á Akureyri, Nichole Leigh Mosty Leikskólanum Ösp og Þorgerður Ingólfsdóttir Menntaskólanum við Hamrahlíð.

Örn í Heiðarskóla verðlaunaður fyrir framúrskarandi störf