Reglugerðardrögin taka bæði til lítilla fisk- og kjötvinnsla.

Rýmka reglur um lítil matvælafyrirtæki

Matvælastofnun vill vekja athygli á drögum að nýrri reglugerð um lítil matvælafyrirtæki og hefðbundin matvæli. Þessi reglugerðardrög eru nú til kynningar á vegum atvinnuvega- og nýsköpunarráðuneytis. „Markmiðið með nýrri reglugerð er að auðvelda sláturhúsum, fiskmörkuðum og litlum matvælafyrirtækjum að uppfylla kröfur í hollustuhátta- og eftirlitsreglugerðum. Þetta er gert með því að slá af ítrustu kröfum þannig að hægt sé að nota áfram hefðbundnar aðferðir á öllum stigum framleiðslu, vinnslu eða dreifingar matvæla. Enn fremur á reglugerðin að leiðbeina litlum matvælafyrirtækjum varðandi byggingar, skipulag og búnað ákveðinna starfsstöðva. Á vef atvinnuvegaráðuneytis er hægt að lesa um reglugerðardrögin. Þar kemur fram að veittur er frestur til 16. júní nk. til að koma athugasemdum varðandi drögin á framfæri við ráðuneytið.

Líkar þetta

Fleiri fréttir

Með sjaldgæfan blóðtappa

Skagamaðurinn Oliver Stefánsson, sonur Stefáns Þórs Þórðarsonar og Magneu Guðlaugsdóttur, og varnarmaður sænska úrvalsdeildarfélagsins Norrköping, verður frá næsta hálfa árið... Lesa meira