medium

large

thumbnail

1536x1536

2048x2048

small

custom-size

Auknar tekjur hafnarsjóðs

Leyfi til litarefnarannsóknar í Hvalfirði í skoðun

Ísland á leið heim af EM eftir leik við Noreg á fimmtudaginn

Gul viðvörun vegna suðaustan hvassviðris í dag

Metaðsókn er í lögreglunám

Akraneskaupstaður þrýstir á styttingu leikskóladvalar með lækkun og hækkun gjalda

core/freeform

Landsvirkjun og Norðurál á Grundartanga hafa náð samkomulagi um að endurnýja raforkusamning fyrirtækjanna fyrir 161 MW á kjörum sem endurspegla raforkuverð á mörkuðum í Norður-Evrópu. Forstjóri Norðuráls fagnar samningnum og segir hann mikilvægan í ljósi þess að fyrirtækið undirbýr gerð nýs steypuskála við álverið á Grundartanga. Samningsdrög Landsvirkjunar og Norðuráls hafa verið send Eftirlitsstofnun EFTA, ESA, til forskoðunar. Að henni lokinni er áformað að ljúka frágangi samningsins og senda hann til formlegrar og endanlegrar samþykktar hjá ESA. „Hinn endurnýjaði samningur er til fjögurra ára og hljóðar upp á 161 MW sem er nærri þriðjungur af orkuþörf álvers Norðuráls á Grundartanga. Endurnýjaður samningur tekur gildi í nóvember 2019 og gildir til loka árs 2023. Núgildandi samningur verður áfram í gildi til loka október 2019,“ segir í tilkynningu frá Norðuráli.

Endurnýjaður samningur er tengdur við markaðsverð raforku á Nord Pool raforkumarkaðnum og kemur það í stað álverðstengingar í gildandi samningi. Hörður Arnarson, forstjóri Landsvirkjunar, segir að endurnýjaður samningur tryggi áframhaldandi samkeppnishæfni beggja aðila. „Hann er afrakstur mikillar vinnu sem styrkt hefur viðskiptasamband aðila og skilning þeirra á aðstæðum hvors annars. Samningurinn er afar ánægjulegur áfangi í samstarfi fyrirtækjanna sem á sér 20 ára farsæla sögu.“

&nbsp;

<strong>Í undirbúningi er nýr steypuskáli</strong>

Ragnar Guðmundsson, forstjóri Norðuráls fagnar einnig samningnum og segir: „Við erum ánægð að hafa náð samkomulagi um kjör á þessari fjögurra ára framlengingu.  Landsvirkjun hefur verið góður og áreiðanlegur samstarfsaðili okkar á Grundartanga frá upphafi. Þessi samningur er mikilvæg undirstaða fyrir frekari þróun framleiðslunnar en við erum um þessar mundir að skoða fjárfestingu í nýjum steypuskála á Grundartanga sem mun auka verulega fjölbreytileika í vöruframboði okkar,“ segir Ragnar Guðmundsson.

Norðurál og Landsvirkjun semja um framlengingu orkusamnings