medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Gamla Kaupfélagið á Akranesi verður enduropnað í dag, föstudaginn 13. maí klukkan 17:00, þegar tekið verður á móti fyrstu matargestunum.

Eins og Skessuhorn greindi frá í aprílbyrjun var staðnum lokað tímabundið vegna eigendaskipta. Félagið Veislur og viðburðir ehf. hefur tekið við rekstri Gamla Kaupfélagsins, en að félaginu standa Ísólfur Haraldsson og Gunnar Hafsteinn Ólafsson matreiðslumaður. Síðan þá hefur verið ráðist í nokkrar endurbætur á húsnæðinu. Meðal þeirra má nefna að sviði stóra salarins hefur verið breytt lítillega og aðstaðan baksviðs bætt til muna. Myndir prýða veggi hússins sem hafa verið málaðir að nýju.

En það sem fangar augað fyrst er veitingasalurinn. Hann hefur verið endurhannaður, skartar nýjum lit og málverk eftir listamanninn Bjarna Þór hafa fengið stað á veggjunum. „Við endurinnréttuðum veitingasalinn og gerðum hann heimilislegri. Staðurinn á að vera dálítið „hómí“, andrúmsloftið afslappað og ekkert stress,“ segir Ísólfur. „Við fengum leikmyndahönnuð úr Fast and the Furious til að mála veitingasalinn fyrir okkur í þessum fína lit. Auk þess höfum við átt í samstarfi við Bjarna Þór og málverk eftir hann munu prýða veggina í húsinu,“ bætir hann við.

&nbsp;

<strong>„Maturinn verður góður“</strong>

Aðspurður um matinn er svar matreiðslumannsins einfalt. „Maturinn verður góður,“ segir Gunnar léttur í bragði en bætir því við að matseðillinn sé einfaldur og hnitmiðaður. „Þannig finnst mér að matseðlar eigi að vera. Við verðum með eldbakaðar pitsur og bistro-seðil með grilluðum hamborgurum, pastaréttum og fleiru slíku,“ segir hann. „En á kvöldverðarseðlinum verða meðal annars tveir fiskréttir og steikur í steikhússtíl. Allar steikurnar verða grillaðar, hvort sem um er að ræða naut, lamb eða kjúkling og gestir hafa val um meðlæti og sósur. Steikurnar verða síðan bornar fram á viðarplatta,“ bætir Gunnar við.

„Við vonum að fólk njóti þess að koma hingað að borða góðan mat. Í framtíðinni munum við svo reyna að standa fyrir lifandi menningarviðburðum í húsinu,“ segja eigendurnir að lokum.

[gallery columns="1" size="full" ids="1179" orderby="rand"]

Gamla Kaupfélagið opnað að nýju