Boða til stofnfundur Viðreisnar
Stofnfundur stjórnmálaflokksins Viðreisnar hefur verið boðaður þriðjudaginn 24. maí, frá kl. 17:00 til 18:00, í Silfurbergi í Hörpu. Kosin verður stjórn og stefnuyfirlýsing samþykkt. „Viðreisn er flokkur allra þeirra sem vilja að unnið sé að almannahagsmunum og gegnsæi í pólitísku starfi. Markmiðin eru réttlátt samfélag, stöðugt efnahagslíf og fjölbreytt tækifæri. Áhersla er lögð á markaðslausnir, vestræna samvinnu, frelsi, jafnrétti og jafnan atkvæðisrétt fyrir alla. Viðreisn vill einnig að þjóðin fái svo fljótt sem auðið er að greiða atkvæði um hvort ljúka skuli viðræðum um aðild að Evrópusambandinu,“ segir í tilkynningu. Þá segir að allir sem vilja styðja Viðreisn til þess að gera grundvallarbreytingar á íslenskum stjórnmálum eru hvattir til þess að mæta á stofnfundinn og sýna þannig í verki vilja til þess að Íslendingar stigi ákveðin skref til betra samfélags.“
-fréttatilkynning
