medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Nýlega var úthlutað ríkisstyrkjum að upphæð 32 milljónir króna til atvinnumála kvenna. Alls hlutu 33 verkefni styrk í samræmi við niðurstöðu ráðgjafarnefndar sem vann fyrir félagsmálaráðuneytið, en nefndin mat umsóknirnar. Alls bárust 219 umsóknir um styrki til verkefna hvaðanæva af landinu. Í tilkynningu frá ráðuneytinu kemur fram að verkefnin voru fjölbreytt að venju. Má þar nefna fórnarfóðringu fyrir jarðhitaborholur, þróun vistvænna umbúða í stað plasts og ræktun stofnfruma með nýjum aðferðum. Þessi verkefni hlutu þrjár milljónir króna hvert. Af fleiri verkefnum má nefna framleiðslu á lífrænni ánamaðkamold, gerð viðskiptaáætlunar fyrir útgáfu á pólsk- íslensku tímariti og gerð viðskiptaáætlunar fyrir fræðslu- og fjölskylduspilið Fuglafár.

&nbsp;

<strong>Tveir styrkir á Vesturland</strong>

Samkvæmt lista ráðuneytisins um úthlutun styrkja eru tveir styrkþegar af Vesturlandi að þessu sinni. Rósa Björk Halldórsdóttir í Hvalfjarðarsveit fékk þrjár milljónir króna í vöruþróunarverkefnið „Þróun vistvænna umbúða í stað umbúða úr plasti.“ Hins vegar fær fyrirtækið Nónklettur ehf á Jörfi í Dölum eina milljón króna í styrk til þróunar og markaðssetningar byggingartengds keramiks.

&nbsp;

„Með styrkjum sem þessum er stuðlað að aukinni fjölbreytni í atvinnulífinu en fjölmörg ný fyrirtæki hafa litið dagsins ljós sem skapa störf, samfélaginu til hagsbóta. Einnig er styrkveiting sem þessi mikil hvatning fyrir konur sem er ekki síður mikilvæg þegar á hólminn er komið,“ segir í tilkynningu frá ráðuneytinu. Skilyrði styrkveitinga eru þau að verkefnin séu í eigu kvenna, stjórnað af þeim og feli í sér nýnæmi eða nýsköpun. Ekki er nauðsynlegt að vera með starfandi fyrirtæki til að sækja um styrk og því er heimilt að sækja um vegna verkefna á byrjunarstigi en einnig geta þær konur sótt um styrk sem eru að þróa nýjungar í starfandi fyrirtækjum. Unnt er að sækja um styrki til gerðar viðskiptaáætlunar, vegna markaðssetningar, vöruþróunar, hönnunar og vegna launakostnaðar en ekki eru veittir styrkir til framkvæmda eða vegna stofnkostnaðar.

Styrkjum úthlutað til atvinnumála kvenna