Skólahópur leikskólans í heimsókn
Skólahópur frá Leikskólanum Hnoðrabóli í Reykholtsdal kom í heimsókn í Kleppjárnreykjadeild Grunnskóla Borgarfjarðar í síðustu viku. Heimsóknin hófst á skynjunarverkefni sem fram fór úti á Læknistúni. Þar var unnið með skynjunarlíffærin sem sjá um sjón, heyrn, lykt, snertingu og bragð. Eftir það var hádegismatur og síðan samverustund þar sem nemendur í 5. bekk lásu fyrir gestina.
Samstarf þetta hófst árið 2008 og hefur gengið vel að sögn kennara við skólann. Þá hefur skólahópur komið a.m.k. þrisvar sinnum í heimsókn yfir skólaárið og er það 5. bekkur í grunnskólanum hverju sinni sem tekur á móti hópnum, heldur utan um hann og leiðbeinir áfram. Skólahópurinn fer einnig í heimsókn í 1. bekk og hefur ýmislegt verið gert. Þetta verkefni þykir gott til að brúa bilið milli skólastiga.
Meðfylgjandi mynd tók ljósmyndaleiðtogarnir Embla Líf Andradóttir og Unnur Björg Ómarsdóttir í GBF í heimsókn barnanna úr Hnoðrabóli. Fleiri myndir eru í Skessuhorni vikunnar.
