Breytingar verða á forystu LK

Útlit er fyrir miklar breytingar á forystu Landsbambands kúabænda á komandi aðalfundi sambandsins sem haldinn verður um mánaðamótin. Sigurður Loftsson í Steinsholti, sem setið hefur í stjórn sl. 14 ár, fyrstu sjö sem varaformaður og síðan formaður, hefur líst því yfir að hann muni ekki gefa kost á sér til endurkjörs.

 

Slíkt hið sama gerði Guðný Helga Björnsdóttir á Bessastöðum, sem setið hefur í stjórn sl. ellefu ár og síðustu sjö sem varaformaður.

 

Þá hefur Baldur Helgi Benjamínsson, framkvæmdastjóri LK til tíu ára, sagt starfi sínu lausu frá og með 1. apríl nk.

 

Þegar hafa tveir boðið sig fram til formanns landsambandsins. Það eru þeir Jóhann Nikulásson á Stóru-Hildisey II í A-Landeyjum, stjórnarmaður LK til 14 ára og Arnar Árnason á Hranastöðum í Eyjafirði.

 

Allir félagsmenn eru í framboði til stjórnar á komandi aðalfundi. Nýrri stjórn bíður svo það verkefni að ráða nýjan framkvæmdastjóra.

Líkar þetta

Tengdar fréttir

Fleiri fréttir