medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Hagnaður Rarik samstæðunnar á árinu 2015 var ríflega 2,2 milljarðar króna, nokkru lakari afkoma en árið á undan. Á aðalfundi félagsins í síðustu viku var ákveðið að greiða 350 milljónir króna í arð til eigandans sem er íslenska ríkið. Rekstrartekjur Rarik voru 13.252 milljónir króna en rekstrargjöld 10.755 milljónir. Heildareignir í árslok voru 57,7 milljarðar króna og hækkuðu um 9.215 milljónir á milli ára. Eigið fé samstæðunnar nam 35,6 milljörðum í árslok og er eiginfjárhlutfallið 62%. Fjárfest var fyrir 2.432 milljónir króna á árinu, sem er heldur minna en áætlað var og um 137 milljónum króna lægri upphæð en árið áður.

&nbsp;

Á aðalfundinum kom fram að áætlað er að á núverandi verðlagi muni kosta um 17 milljarða króna að færa það sem eftir er af loftlínum í dreifikerfi Rarik í jarðstrengi. Unnið hefur verið að endurnýjun kerfisins undanfarin ár, eins og greint var frá í Skessuhorni nýverið, og eru nú 55% dreifikerfisins komin í jarðstrengi. Enn er eftir að endurnýja um 3.700 km. af loftlínum og gera ætlanir RARIK ráð fyrir að því verði lokið á næstu 20 árum. Á fundinum kom fram að jarðstrengjavæðing undanfarinna ára hefur aukið mjög rekstraröryggi dreifikerfisins og dregið úr truflunum.

Áætlað að taki tuttugu ár að koma öllum raflínum í jörð