medium

large

thumbnail

1536x1536

2048x2048

small

custom-size

Liðnir tímar og nýir fléttaðir saman á Breið

Fjórum sýningum bætt við á Diskóeyjuna

Kvikumagn undir Svartsengi aldrei verið meira frá 10. nóvember

Gul viðvörun frá klukkan 13 til 22

Erum á rangri leið í tannheilbrigðismálum

Húsasmiðurinn sem varð lögregluþjónn

core/paragraph

Forsíðumynd Sigurðar Más Harðarsonar úr 11. tölublaði Bændablaðsins í fyrra var valin ein af bestu fréttaljósmyndum ársins 2023 og prýðir nú sýningu Blaðaljósmyndarafélags Íslands sem stendur yfir í Hafnarhúsinu. Sigurður Már er Skagamaður í húð og hár og hefur starfað sem blaðamaður hjá Bændablaðinu frá árinu 2008, en tók sín fyrstu spor í blaðamennsku hjá Skessuhorni um aldamótin.

Myndir ársins er árleg sýning Blaðaljósmyndarafélags Íslands. Á sýningunni eru myndir frá liðnu ári sem valdar hafa verið af óháðri dómnefnd úr 800 innsendum myndum íslenskra blaðaljósmyndara. Veitt voru verðlaun fyrir fréttamynd ársins en þau hlaut Kristinn Magnússon fyrir mynd sem hann tók&nbsp; á samverustund íbúa í Grindavík. Verðlaun fyrir mynd ársins hlaut Kjartan Þorbjörnsson (Golli) fyrir mynd af Yazan sem er ungur flóttamaður frá Gaza. Blaðaljósmyndarafélag Íslands var stofnað árið 1976 og starfar innan Blaðamannafélags Íslands. Sýningin Myndir ársins hefur verið haldin síðan 1980 og er ein fjölsóttasta ljósmyndasýning landsins ár hvert.&nbsp;

Mynd Sigurðar Más er átakanleg, skýr og mögnuð. Hún sýnir Dagbjörtu Diljá Einþórsdóttur og Ólaf Rúnar Ólafsson á Urriðaá og Ara G. Guðmundsson og Elínu Önnu Skúladóttur á Bergsstöðum undir táknrænni birtu inn í tómu fjárhúsi eftir niðurskurð á um 1.400 fjár á bæjunum tveimur eftir að riða kom þar upp síðastliðið vor. Bæirnir Urriðaá og Bergsstaðir eru í Miðfirði á Norðurlandi vestra.

Þetta er í fyrsta sinn sem mynd úr Bændablaðinu raðast inn á lista bestu mynda ársins.

Fréttaveita Vesturlands

Mynd Sigurðar Más valin ein af fréttaljósmyndum ársins