medium

large

thumbnail

1536x1536

2048x2048

small

custom-size

Fjórum sýningum bætt við á Diskóeyjuna

Kvikumagn undir Svartsengi aldrei verið meira frá 10. nóvember

Gul viðvörun frá klukkan 13 til 22

Erum á rangri leið í tannheilbrigðismálum

Húsasmiðurinn sem varð lögregluþjónn

Mótormessa var haldin í Reykholti

core/paragraph

Fyrsta umferð 3. deildar karla í knattspyrnu hófst á föstudagskvöldið og í Akraneshöllinni mættust lið Kára og Elliða. Fyrir mót hafði liði Kára verið spáð efsta sætinu í deildinni hjá fotbolti.net og þeir komu fullir sjálfstrausts inn í leikinn. Þeir voru sterkari aðilinn í fyrri hálfleik án þess þó að ná að opna lið Elliða sem reyndi að hægja á leiknum og tókst það ágætlega. Besta færið í fyrri hálfleik fékk Máni Berg Ellertsson á 37. mínútu en skot hans úr teignum fór rétt yfir og markalaust í hálfleik, staðan 0-0.

En flóðgáttirnar opnuðust í seinni hálfleik og Káramenn fóru á kostum. Fyrsta mark leiksins kom í byrjun seinni hálfleiks þegar markvörður Elliða skaut boltanum í Axel Frey Ívarsson sem vippaði boltanum yfir hann og í markið. Fimm mínútum sendi Sveinn Svavar Hallgrímsson frábæra sendingu inn fyrir vörn Elliða þar sem Börkur Bernharð Sigmundsson kláraði færið sitt vel. Staðan 2-0 fyrir Kára og þeir létu kné fylgja kviði og sóttu hart að gestunum. Það var þó ekki fyrr en undir lok leiksins sem Kári bætti við mörkum og það tveimur. Það fyrra kom á 81. mínútu eftir gott sampil og það var Þór Llorens Þórðarson sem rak endahnútinn á sóknina með góðu skoti. Hann var síðan aftur á ferðinni á lokamínútunni þegar hann fékk boltann óvænt frá markmanni Elliða fyrir utan teig, sólaði síðan einn varnarmann og setti boltann í fjærhornið. Virkilega vel gert og góður endir á fjörugum seinni hálfleik, lokatölur 4-0 Kára í vil.

Næsti leikur Kára er á móti Víði á Nesfisksvellinum í Garði á föstudaginn og hefst klukkan 19.15.

Kári hóf leik með stórsigri á Elliða