medium

large

thumbnail

1536x1536

small

custom-size

Vorboðinn ljúfi mættur til starfa

2048x2048

Stofnmæling helstu botnfisktegunda

Endurbætur á miðálmu grunnskólans í Borgarnesi

Fjölskylda Soffa styrkir skíðafélagið í tilefni tímamótanna

Sérstök framkvæmdanefnd skipuð um málefni Grindavíkur

100 ár í dag frá fæðingu Soffaníasar Cecilssonar

core/paragraph

Þór Akureyri og Skallagrímur tókust á í fimmtu viðureign liðanna í 8-liða úrslitum úrslitakeppni fyrstu deildar karla í körfuknattleik á laugardagskvöldið. Leikið var í Höllinni fyrir norðan og voru yfir þrjú hundruð manns mætt til að horfa á leikinn og þriðjungurinn kom frá Borgarnesi. Skallarnir náðu að jafna metin í 2-2 í einvíginu síðasta miðvikudag með öruggum sigri, 99:73, og því var allt undir í þessum leik.

Heimamenn í Þór byrjuðu betur í leiknum og leiddu með átta stigum miðja vegu, 15:7. Skallagrímsmenn náðu síðan ágætis spretti og minnkuðu muninn í 21:19 en heimamenn settu niður þrjú vítaskot á síðustu sekúndunum og staðan 24:19 eftir fyrsta leikhluta.

Almar Orri Kristinsson gaf tóninn fyrir gestina með þriggja stiga körfu í byrjun annars leikhluta og var Skallagrímur kominn með sex stiga forystu eftir fjögurra mínútna leik, staðan 26:32. Þeir náðu síðan að bæta við forskotið fram að hálfleik með körfum í hinum ýmsu litum og staðan 32:45 fyrir Skallagrími þegar liðin gengu til búningsherbergja til skrafs og ráðgerða.

Hálfleiksræðan virtist hafa farið vel ofan í leikmenn Skallagríms því þeir gáfu ekkert eftir í þriðja leikhluta og spiluðu öfluga vörn og skipulagðan sóknarleik. Þegar tæpar sjö mínútur voru liðnar var munurinn kominn í 20 stig Skallagrími í vil, 41:61, og allt útlit fyrir öruggan sigur þeirra. En þá komu tíu stig í röð frá Þórsurum á meðan á sama tíma gekk ekkert upp hjá þeim grænu, þeir brutu klaufalega af sér, misstu boltann frá sér og hittu ekki neitt. Staðan fyrir síðasta fjórðunginn var 51:61 og ljóst að allt gat gerst á þessum tímapunkti.

Það leit svo sem ekki út fyrir það á fyrstu mínútunum því gestirnir höfðu enn tíu stiga forystu þegar rúmar þrjár mínútur voru liðnar, staðan 59:69. En eins og flestir körfuboltaáhugamenn vita þá geta hlutirnir breyst á örskömmum tíma í þessari fallegu íþrótt og kannski höfðu Þórsarar þá hugsun á bak við eyrað. Þeir náðu á fjögurra mínútna kafla 16-4 áhlaupi og voru allt í einu komnir þremur stigum yfir, 76:73, og aðeins þrjár mínútur eftir. Skallagrímsmenn virtust ekki hafa kraft né þor til að spyrna á móti þessum frábæra kafla heimamanna. Norðanmenn gáfu þeim engin grið á lokamínútunum og innbyrðu að lokum fimm stiga sigur, lokatölur 85:80 og sæti í undanúrslitum þar sem þeir mæta ÍR. Tímabilinu hjá Skallagrími er hins vegar lokið og líklegast vonbrigði miðað við tímabilið í fyrra þar sem þeir komust í úrslitaleik eftir fimm leikja rimmu á móti Hamar og töpuðu naumlega.

Darius Banks var atkvæðamestur hjá Skallagrími með 29 stig og 10 fráköst, Nicolas Elame var með 20 stig og Ragnar Magni Sigurjónsson með 10 stig. Hjá Þór var Darius Banks allt í öllu, hann skoraði alls 42 stig og þar af var hann með fimm þrista úr tíu tilraunum og tók einnig 10 fráköst. Jason Gigiotti skoraði 21 stig og tók 11 fráköst og Reynir Barðdal var með 10 stig.

Fréttaveita Vesturlands

Skallagrímur úr leik eftir tap gegn Þór