medium

large

thumbnail

1536x1536

small

custom-size

Harðviðarbryggja í smíðum í Ólafsvík

Fyrirhugaðir búferlaflutningar kannaðir á Vesturlandi

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

core/freeform

Í Landbúnaðarháskólanum á Hvanneyri hefur staðnám legið niðri síðustu daga eins og í öðrum framhalds- og háskólum á landinu. Kennsla hefur því alfarið verið í gegnum netið en skólinn var ágætlega undir það búinn að hafa bóklega kennslu á netinu. Öðru máli gegnir um námsdvölina sem er stór hluti af búfræðinámi við skólann. Í lok þessa mánaðar hefðu nemendur í búfræði undir venjulegum kringumstæðum átt að fara í svokallaða námsdvöl. Þá fara þeir og vinna í 12 vikur á kennslubúum víðsvegar um landið. Kristín Sveiney Baldursdóttir sér um námsdvöl nemenda við skólann. Hún staðfestir í samtali við Skessuhorn að námsdvölinni verði frestað þar til samkomubanni lýkur. „Rektor er búinn að eiga fund með starfsfólki ráðuneytisins og niðurstaðan var að fresta námsdvölinni. Á fundinum kom jafnframt í ljós að trúlega verði samkomubanninu framlengt svo við vitum í raun ekki nákvæmlega hvenær nemendur geta farið í námsdvöl,“ segir Kristín. Aðspurð segir hún það markmið skólans að láta þetta koma sem minnst niður á nemendunum. „Við leggjum allt kapp á að þeir útskrifist á réttum tíma. Við erum að skoða núna hvort hægt sé að stytta verknámið og hugsanlega að leyfa nemendum að vera í námsdvöl á sínum heimabæ að litlum hluta. Það er bara mikil óvissa þessa dagana eins og hjá mörgum í samfélaginu. Bændur hafa þó tekið þessu vel og allir sýna þeir ástandinu mikinn skilning sem léttir auðvitað undir,“ segir Kristín.

Fresta námsdvöl búfræðinema