medium

large

thumbnail

1536x1536

2048x2048

small

custom-size

Eldgos hófst á tólfta tímanum í gærkvöldi

Höfuðáhersla á að samgönguinnviðir í kjördæminu stuðli að bættu umferðaöryggi“

„Við viljum búa í frjálsu, fullvalda íslensku ríki“

„Ríkisstjórnin hefur brugðist í baráttunni gegn verðbólgunni“

Málin rædd á skólafundi

Framboðsfundur í beinni hér í kvöld kl. 18:10

core/freeform

Óseldar íbúðir Íbúðalánasjóðs (ÍLS) í Ólafsvík, Hellisandi og á öðrum stöðum innan Snæfellsbæjar munu á næstunni færast til leigufélagsins Bríetar, en það leigir út húsnæði á hagstæðu verði á landsbyggðinni. Þetta er á meðal þess sem fram kemur í viljayfirlýsingu sem þeir Ásmundur Einar Daðason félags- og barnamálaráðherra og Kristinn Jónasson bæjarstjóri Snæfellsbæjar undirrituðu í morgun. Ráðherra hélt opinn fund um húsnæðismál á veitingastaðnum Sker í Ólafsvík. Viljayfirlýsingin snýr að því að fjölga nýjum íbúðum í sveitarfélaginu, en mikill skortur hefur verið á íbúðarhúsnæði í Snæfellsbæ um lengri tíma, meðal annars vegna uppgangs í ferðaþjónustu á Snæfellsnesi.

Samkvæmt samkomulaginu verður fyrst ráðist í endurbætur á íbúðunum sem leigufélagið Bríet hyggst leigja út og voru áður í eigu Íbúðalánasjóðs. Þá mun Íbúðalánasjóður vinna með sveitarfélaginu vegna fyrirhugaðrar byggingar á íbúðakjarna fyrir fatlaða í Ólafsvík. Íbúðalánasjóður mun koma að útfærslu íbúðakjarnans og hefur sjóðurinn ákveðið að leggja sveitarfélaginu til einnar milljónar króna styrk til þróunar verkefnisins. Þá mun sjóðurinn bjóða fram sérfræðiþekkingu starfsmanna sinna til sveitarfélagins sem er hluti af sérstöku tilraunaverkefni sem snýst um að örva húsnæðisuppbyggingu utan höfuðborgarsvæðisins.

„Ég hef sagt það áður og segi það enn að íbúðaskortur má ekki standa atvinnuuppbyggingu á landsbyggðinni fyrir þrifum. Þessi aðgerð er liður í að styðja við íbúa og atvinnulíf utan höfuðborgarsvæðisins. Þetta er löngu tímabær uppbygging sem er ánægjulegt að geta ýtt úr vör og munu fleiri sambærilegar aðgerðir líta dagsins ljós á næstunni,“ sagði Ásmundur Einar við undirritun samningsins.

Óseldar íbúðir ÍLS í Ólafsvík fara í útleigu