medium

large

thumbnail

1536x1536

2048x2048

small

custom-size

Söngbræður ljúka vetrarstarfinu með tvennum tónleikum

Eldgos hafið skammt frá Grindavík

Silfur var þemað í kvennatölti Borgfirðings

Ferðaþjónusta í vexti

Bærinn í Sveinatungu er elsta steinsteypta hús í sveit

Samfélagsmiðlum og streymisveitum innheimti virðisaukaskatt – ella verði lokað

core/freeform

Símon Sigurmonsson í Görðum í Staðarsveit er látinn, 85 ára að aldri. Símon var fæddur í Einarsnesi í Borgarhreppi, sonur hjónanna Sigurmons Símonarsonar og Jórunnar Helgadóttur. Hann bjó um tíma á Akranesi en fluttist þá á Snæfellsnes. Símon og Svava Guðmundsdóttir eiginkona hans voru brautryðjendur í ferðaþjónustu bænda á Vesturlandi, hófu árið 1977 uppbyggingu og rekstur Gistihússins Langaholts. Þau voru meðal stofnaðila í Ferðaþjónustu bænda á níunda áratugnum, handhafar hlutabréfs númer tvö í fyrirtækinu. Fljótlega eftir að þau hófu rekstur gistiheimilis og matsölu hættu þau hefðbundnum búskap á jörð sinni. Í Görðum er nú hin myndarlegasta aðstaða fyrir ferðafólk í gistingu og mat. Á þessum fallega stað í Staðarsveit geta gestir notið náttúrunnar, með Snæfellsjökulinn blasandi við í allri sinni dýrð, strönd Faxaflóa og fjallgarðinn. Símon og Svava seldu Gistihúsið Langaholt til sonar síns Þorkels og Rúnu konu hans. Hafa þau á undanförnum árum búið í Borgarnesi en slitu þó aldrei tengslin við Garða og hafa dvalið þar á sumrin til  aðstoðar yfir háönn ferðatímabilsins.

Síðustu ár hafði Símon í Görðum ýmislegt til afþreyingar, meðal annars setti hann saman vísur og gaf út ljóðabækur. Í ljóðabók hans; Myndir, er meðals annars þessi vísa:

Ljósblik frá langri ævi

lifnar í minni mínu

máninn á kyrru kvöldi

kveikir á silfri sínu.

Símon í Görðum hafði í gegnum tíðina jákvæð og góð tengsl við ritstjórn Skessuhorns. Að leiðarlokum er honum þakkað fyrir samskiptin í áranna rás. Svövu, börnum og fjölskyldu Símonar eru sendar samúðarkveðjur. Útför Símonar frá Görðum verður gerð frá Borgarneskirkju föstudaginn 6. september klukkan 14.

-mm

Andlát – Símon Sigurmonsson