medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Skóla- og frístundaráð Akraneskaupstaðar samþykkti á fundi sínum á miðvikudaginn að elstu börnum í bæjarfélaginu, sem fædd eru 2016, verði boðin dvöl á leikskóla með það að markmiði að losa um pláss hjá dagforeldrum. Þetta er ákveðið vegna mikils skorts á dagvistunarúrræðum í bæjarfélaginu, sem jókst enn frekar nú í byrjun ágúst þegar tvær dagmæður sem ætluðu að hefja starfsemi í haust heltust úr lestinni og foreldrar níu barna urðu skyndilega án daggæslu. Í frétt Akraneskaupstaðar um málið segir að þessi lausn hafi verið í samvinnu við foreldra og dagforeldra ásamt leikskólastjórum á Akranesi. „Þeir foreldrar yngri barnanna sem misstu dvalarpláss hjá dagforeldrunum hafa nú fengið upplýsingar um laus pláss.“ Þá segir í fréttinni: „Áfram er unnið að því að móta tillögu fyrir bæjarráð sem miðar að því að taka börn almennt fyrr inn í leikskóla en áður hefur tíðkast hjá Akraneskaupstað. Stefnt er að leggja tillöguna fyrir 1. september í  bæjarráð Akraness.“

Elstu börn frá 2016 fá inni á leikskólum til að mæta brýnni þörf