medium

thumbnail

small

custom-size

Fyrri umferð biskupskosningar lokið – Elínborg datt út

large

1536x1536

2048x2048

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

Skýlaus krafa um að leyfi til hvalveiða verði tafarlaust gefið út

KSÍ og Jóhannes Karl framlengja

Komu heim hlaðin verðlaunum af ÍM50 í sundi

core/freeform

Leikið var í sjöundu umferð Pepsideildar karla í knattspyrnu í gær. Skagamenn héldu til Akureyrar til að mæta nýliðum KA. Skagamenn hafa verið í basli í deildinni það sem af er sumri og aðeins sigrað einn leik og voru því í næstneðsta sæti fyrir leikinn með þrjú stig. KA hefur farið betur af stað og voru fyrir leikinn í fjórða sæti með ellefu stig. Leikur ÍA og KA bauð ekki mikið fyrir augað og lauk með 0-0 jafntefli í bragðdaufum leik.

Skagamenn hafa fengið á mikið af mörkum á tímabilinu og var það ljóst á leik þeirra á móti KA að liðið ætlaði að laga það. Skagamenn voru mjög þéttir og gáfu fá færi á sér, sóknarleikur liðsins var þó heldur dapur. Undir lok fyrri hálfleiks vildu KA-menn fá hendi dæmda á Rashid Yussuff innan teigs og skömmu síðar bjargaði Þórður Þorsteinn Þórðarson af marklínu Skagamanna.

Undir lok leiksins tók Þóroddur Hjaltalín, dómari leiksins, umdeilda ákvörðun þegar hann dæmdi mark af KA. Þóroddur vildi þá meina að Callum Williams hafi brotið á Ingvari Þór Kale. Leikmenn KA voru allt annað en sáttir og hafa líklega eitthvað til síns máls því í samtali við fotbolta.net eftir leik sagði Ingvar að það hafi ekki verið brotið á sér og markið þá átt að standa.

Liðin halda sætum sínum í deildinni eftir jafnteflið. Skagamenn í næstneðsta sæti með fjögur stig og KA í fjórða sæti með tólf stig. Næsti leikur Skagamanna er næstkomandi mánudag 19. júní gegn Fjölni á heimavelli.

Skagamenn gerðu markalaust jafntefli