medium

thumbnail

small

custom-size

Hendrik hjá H veitingum verður í Brúarási í sumar

large

1536x1536

2048x2048

Skelltu sér í bæjarferð

Lokað í sund á Jaðarsbökkum á morgun

N listi hlaut meirihluta í nýju sameinuðu sveitarfélagi

Byrjaði tólf ára á grásleppuveiðum

Alltaf með gítar um borð

core/freeform

Meðfylgjandi mynd var tekin um sexleitið í gærkvöldi á Garðavelli á Akranesi. Milli trjánna sést í flugvél sem snertilent var á vellinum skömmu síðar. Flugmaður vélarinnar tók hana hins vegar á loft að nýju en lenti á malarvegi sem liggur samsíða skógræktinni. Meðan þessu fór fram var golfvöllurinn fullur af fólki og m.a var í gangi innanfélagsmót fyrir börn og unglinga á vegum golfklúbbsins Leynis. Foreldrar barna sem voru á mótinu líta málið alvarlegum augum og einhverjir þeirra tilkynntu málið tafarlaust til lögreglu. Í samtali við Skessuhorn sagði einn faðirinn að það væri beinlínis galið þegar menn væru farnir að leika sér á flugvélum við hársvörðinn á fólki og reyna auk þess lendingu á golfvelli.

Lögreglan á Vesturlandi staðfestir við Skessuhorn að málið hafi verið tilkynnt í gær og væri í rannsókn. Búið er að hafa uppi á flugmanni vélarinnar.

Þetta er ekki í fyrsta skipti sem flugvél er lent á Garðavelli. Sumarið 2013 var fisflugvél lent á 1. braut vallarins. Þá hafi tveir vinir ákveðið að taka hring á vellinum. Annar þeirra flogið frá Akureyri en hinn komið að sunnan. Þegar vélin hóf sig á loft mátti litlu muna að illa færi þegar vélin nánast sleikti nærliggjandi húsþak.

Flugvél snertilent á golfvelli þar sem fram fór mót barna