medium

large

thumbnail

1536x1536

2048x2048

small

custom-size

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

Katrín með forskot á aðra frambjóðendur samkvæmt nýjustu könnun

Ráðstefnan Nýsköpun í skólastarfi haldin í Menntaskóla Borgarfjarðar

Þriðja úthlutun úr Frumkvæðissjóði DalaAuðs

core/freeform

Skógræktarfélag Borgarfjarðar hefur boðað til samfélagsátaks dagana 15. og 20. júní við gróðursetningu trjáa, en félagið ætlar að gróðursetja um 50 þúsund trjáplöntur í skógræktarlandið í Reykholti í sumar. „Miklar vonir eru bundnar  við að innan fárra ára muni einn fegursti skógur héraðsins og sá umfangsmesti vaxa upp í Reykholsdal til yndis og nota fyrir héraðsmenn og landsmenn alla,“ segir í tilkynningu frá skógræktarfélaginu. Víða um héraðið hefur Skógræktarfélag Borgarfjarðar tekið til hendinni að undanförnu. Til dæmis við grisjun í Daníelslundi í Stafholtstungum. Hluti af plöntunum sem nú verða settar niður í Reykholti er stafafura sem einmitt er vaxin upp af fræi sem safnað var í Daníelslundi eftir grisjun.

Nýverið var undirritað samkomulag skógræktarfélagsins við sveitarfélagið Borgarbyggð um umsjón með fólkvanginum Einkunnum ofan við Borgarnes. „Vel má minnast þess að skógrækt í Einkunnum hófst um 1960 fyrir tilstuðlan félagsins Aspar sem var deild innan Skógræktarfélags Borgarfjarðar. Nú eru þar frjóir yndisreitir sem margir heimsækja til að njóta skjólsins í trjálundum borgfirsks skógar. Það hefur vorað vel fyrir gróður í Borgarfirði og má búast við að skógar dafni vel í sumar og bindi kolefni úr andrúmsloftinu sem nýtist til skjóls og yndis sem og í timbur til ýmissa nota.

Við viljum hvetja Borgfirðinga til að eiga með okkur ánægjulega samveru og taka þátt í sameiginlegri gróðursetningu og stuðla þannig að stækkun skóga,“ segir í tilkynningu frá Skógræktarfélagi Borgarfjarðar. Gróðursett verður í Reykholtsskógi fimmtudaginn 15. júni og þriðjudaginn 20. júní klukkan 20:00 til 22:00 báða dagana. Mæting er við Höskuldargerði.

Átak framundan í skógrækt í Reykholti