medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Orkustofnun hefur kallað eftir andmælum Orku náttúrunnar vegna meint brots á ákvæðum vatnalaga og umhverfisskaða í Andakílsá af völdum fyrirtækisins, þegar þúsundum rúmmetra af aur var hleypt úr uppistöðulóni Andakílsárvirkjunar í síðustu viku. Það er niðurstaða Orkustofnunar að Orka náttúrunnar hafi brotið þrjár greinar vatnalaga og þannig með ólögmætum hætti valdið tjóni á lífríki í Andakílsá og takmarkað veiðimöguleika í ánni. Þetta kemur fram í bréfi sem Orkustofnun sendi í gær. „Orkustofnun tekur þó hvorki afstöðu til þess mögulega tjóns né til skaðabóta, eftir atvikum landeigenda og/eða Veiðifélags Andakílsár,“ segir í fréttinni.

Orkustofnun mælir fyrir um að Orka náttúrunnar færi umhverfi Andakílsár til fyrra horfs, eins og kostur er, á sinn kostnað og leggur áherslu á að áætlun um úrbætur verði skilað til Orkustofnunar eigi síðar en 30 júní n.k. Orkustofnun mun taka afstöðu til þeirrar áætlunar í samráði við Fiskistofu. Brot gegn ákvæðum vatnalaga geta varðað sektum. Í ljósi alvarleika meintra brota, kemur til álita að beita öðrum úrræðum, en Orkustofnun frestar ákvörðun sinni þar að lútandi, þar til andmæli Orku náttúrunnar liggja fyrir.

Orkustofnun telur ON hafa þríbrotið vatnalög