medium

large

thumbnail

1536x1536

2048x2048

small

custom-size

ÓH verktakar sjá um fiskmarkaðinn á Akranesi

Mokafli eftir hrygningarstopp

Tindur í Ólafsvík rifinn

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

Skrifað undir við skátana í Dalabyggð

core/freeform

Íslandspóstur skrifaði föstum viðskiptavinum sínum bréf 10. apríl síðastliðinn þar sem tilkynntar eru breytingar á þjónustu fyrirtækisins frá og með 1. maí og nýtt umsýslugjald að auki. Varðandi árituð blöð og tímarit er kynnt að ef þau berast eftir klukkan 17 daginn fyrir dreifingardag verður innheimt sérstakt vinnslugjald fyrir hvern hafinn klukkutíma sem tekur að vinna úr sendingunni, að upphæð 6.100 krónur auk virðisaukaskatts. Enn meiri breytingar eru þó gerðar á þjónustu vegna dreifingu fjölpósts. Eingöngu verður í boði tveggja daga dreifing á landsbyggðinni, að undanskildu höfuðborgarsvæðinu og Akureyri. Á þeim svæðum verður fimmtudagsdreifing áfram í boði samkvæmt gæðaviðmiðum. Sömuleiðis ef fjölpóstur berst Íslandspósti eftir klukkan 17 daginn fyrir dreifingardag, verður innheimt 6.100 króna gjald fyrir hafinn klukkutíma við vinnslu fjölpósts. Þá verður innheimt sérstakt brotgjald fyrir fjölpóst sem er stærri en A4, grunngjald 5000 krónur en auk þess 1,45 krónur á hvert eintak. Útgefendur fríblaða utan höfuðborgar- og Akureyrarsvæðisins fá ekki lengur aldreifingu á sínum blöðum eftir þessa breytingu. Af þeim sökum þurfa þeir í einhverjum tilfellum að flýta útgáfudögum til að viðtakendur fái póstinn sendan fyrir helgi.

Breytingar þessar hefur augljósan kostnaðaðarauka í för með sér fyrir viðskiptavini Íslandspósts og um hreina kostnaðarhækkun að ræða. Fram til þessa hefur öll sú þjónusta sem að framan greinir verið hluti af gjaldskrá Íslandspósts.

Íslandspóstur dregur úr þjónustu og hækkar verð