medium

large

thumbnail

1536x1536

2048x2048

small

custom-size

ÓH verktakar sjá um fiskmarkaðinn á Akranesi

Mokafli eftir hrygningarstopp

Tindur í Ólafsvík rifinn

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

Skrifað undir við skátana í Dalabyggð

core/freeform

Sú áhugaverða staða er nú uppi að eigendur og rekstraraðilar fjögurra bestu veitingastaða Reykjavíkur, samkvæmt ferðavefnum Tripadvisor, eru ýmist Borgnesingar, Mýramenn eða tengdasynir af svæðinu. Þessa staði flokka gestir eftir upplifun sinni um gæði en á lista Tripadvisor eru 344 veitingastaðir í Reykjavík. Besta veitingastað Reykjavíkur meta gestir veitingastaðinn Restó við Rauðarárstíg og byggir sá dómur á umsögn ríflega 800 gesta. Restó er í eigu og rekinn af Jóhanni Helga Jóhannessyni frá Krossnesi á Mýrum, en hann er sonur Jóhannesar Þórðarsonar og Guðnýjar Grendal Magnúsdóttir. Þriðji besti veitingastaður borgarinnar á lista Tripadvisor er Ostabúðin við Skólavörðustíg. Sá staður er í eigu frænda og nafna Jóa á Restó; Jóhanns Jónssonar, en faðir hans er Jón Eggert fyrrum kaupmaður við Skallagrímsgötu í Borgarnesi og móðir Guðrún Þórðardóttir frá Krossnesi.

Fjórði besti veitingastaður í Reykjavíkur er Messinn við Lækjargötu sem er í eigu Borgnesingsins Jóns Mýrdal, sem er sonur Harðar Jóhannssonar, Hölla á dekkjaverkstæðinu, og Þuríðar Mýrdal.

Loks má bæta því við að einn af eigendum Matarkjallarans við Aðalstræti, sem er í öðru sæti á þessari þekktustu ferðamannavefsíðu heims, er Gústav Axel Gunnlaugssonar, en tengdaforeldrar hans eru Borgnesingarnir Hallgeir Pálmason smiður og Helga Jakobsdóttir.

Borgnesingar og Mýramenn gera það gott í veitingarekstri