medium

large

thumbnail

1536x1536

small

custom-size

Sundfólk frá ÍA stóð sig vel

2048x2048

Freyja Rós fékk hvatningarverðlaun Dags gegn einelti

Stækkun gassöfnunarkerfis í Fíflholtum – Skref í átt að grænni framtíð

Naumt tap Snæfells á móti Þór Akureyri

Skallagrímur tapaði naumlega fyrir KFG í spennuleik

Válynd veður hamla veiðum

core/freeform

Dagana 7.-10. apríl verður Siloa-kórinn frá Fuglafirði í Færeyjum á ferð hér á landi og syngur á fjórum stöðum. Meðal annars heldur kórinn tónleika í Hallgrímskirkju í Saurbæ laugardginn 8. apríl klukkan 20:00. Meðal kórfélaga er einn sveitungi, Sólrún Ásta Haraldsdóttir frá Belgsholti í Melasveit, en hún býr í Fuglafirði í Færeyjum. Sólrún Ásta vonast til að fólk fjölmenni á tónleika kórsins. Hinn skemmtilegi skyldleiki málanna komi þar meðal annars fram. „Sefur þú undir dýnunni og á sænginni? Drekkur þú kaffi úr koppi, pissar í pott og berð fram salat í bolla? Ferð þú inn á kamar til að sofa og hýsir þú útigangsfólk í herberginu? Það gerum við sem syngjum í þessum kór.“

Siloa-kórinn hefur starfað síðan 1988 og kórstjóri öll árin hefur verið Eyðun á Lakjuni. Kórinn syngur mismunandi tegundir af lögum og sálmum og fer stíllinn yfir í gospel í nokkrum laganna. Bæði er sungið án og með undirleik, en fullskipuð hljómsveit spilar með í nokkrum lögum á tónleikunum. Lagavalið er bæði færeyskt og erlent, en það sem nokkuð sérrstakt er fyrir Siloa kórinn er, að hann syngur mikið af eigin tónlist, sem bæði kórstjóri og aðrir kórmeðlimir hafa samið. Um 40 manns verða í og með kórnum í ferðalaginu. Aldursbil kórmeðlima er mjög breitt, þar sem yngstu meðlimir eru um 15 ára og þeir elstu eru nýkomnir á áttræðisaldur. „Vonandi koma margir að hlusta á kórinn og styðja við vini okkar frá Færeyjum,“ segir í tilkynningu.

Færeyskur kór syngur í Saurbæ á laugardaginn