medium

thumbnail

small

custom-size

Sundgarpar af Vesturlandi sópuðu til sín verðlaunum

large

1536x1536

Dregið í Fótbolta.net bikarnum

Orkuveitan skilar Reykjavíkurborg Elliðaárdalnum

Ný nálgun í landsáætlun um útrýmingu á riðu

Mynd Sigurðar Más valin ein af fréttaljósmyndum ársins

Atvinnuleysi mældist 4,1% í mars

core/freeform

Næsti fyrirlestur Snorrastofu í Reykholti verður annað kvöld, þriðjudaginn 28. mars. Þar verður fjallað um hina dramatísku stjórnmálasögu Íslands á 12. og 13. öld þar sem yfirskriftin er bæði áleitin og kímniblandin; hvenær Hákon gamli hafi orðið konungur Íslendinga? Það er sagnfræðingurinn Sverrir Jakobsson sem reifar málefnið og leggur gestum til fróðleik og eigin hugleiðingar um þá sögu, sem gegnt hefur miklu hlutverki í sögulegu minni þjóðarinnar. Fyrirlesturinn hefst að venju kl. 20:30 og þar verður boðið til kaffiveitinga og umræðna. Aðgangseyrir er 500 kr.

Undanfarna áratugi hefur almennur áhugi á þessu tímabili farið minnkandi. Orðræða þjóðfrelsisbaráttunnar er úr sögunni en í stað hennar hefur ekki myndast ný söguskoðun. Samtímis hefur þetta tímabil fengið mikla athygli erlendra fræðimanna þannig að Íslandssaga miðalda er orðin alþjóðleg fræðigrein. Gjá virðist ríkja á milli fræðilegrar orðræðu og almennrar söguskoðunar.

Í fyrirlestrinum verður rætt hvernig hægt er að meta pólitíska þróun á þessu tímabili í ljósi eftir- eða síð-þjóðernishyggju (post-nationalism). Meðal annars, hvernig íslenskt samfélag þróaðist frá upptöku tíundar 1096 sem leiddi af sér nýja hugsun um vald. Reynt verður að rýna í upphaf og þróun valdasamrunans og hvernig átök höfðingja við kirkjuna í upphafi 13. aldar tengdust honum. Sérstaklega verður vikið að samspili mismunandi heimilda á þessu tímabili, Hákonar sögu, annálum og einstökum heimildum sem síðar urðu hluti af Sturlungu-safnritinu.

Snorrastofa fagnar heimsókn Sverris og hvetur íbúa til að nýta sér heimsókn þessa framsækna og virka sagnfræðings. Hann er fæddur í Reykjavík 1970 og hefur verið prófessor í miðaldasögu við Háskóla Íslands frá 2014. Hann hefur m.a. ritað bækurnar Við og veröldin, Heimsmynd Íslendinga 1100-1400 (2005), Saga Breiðfirðinga I. Fólk og rými frá landnámi til plágunnar miklu (2015) og Auðnaróðal. Baráttan um Ísland 1096-1281 (2016) auk þess sem hann er einn útgefenda Hákonar sögu sem kom út í tveimur bindum á vegum Hins íslenzka fornritafélagið árið 2013 (Íslenzk fornrit 31 og 32).

<em>-fréttatilkynning</em>

Hvenær varð Hákon gamli konungur Íslendinga?