medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Vonskuveður er víða á landinu þessa stundina og af þeim sökum hefur Vegagerðin gripið til þess ráðs að loka fyrir umferð á ákveðnum leiðum. „Í dag má búast við að færð spillist mjög víða í dag föstudaginn 24. febrúar og ekkert ferðaveður verði á landinu,“ segir í tilkynningu frá Vegagerðinni snemma á fjórða tímanum nú síðdegis.

Lokað hefur verið um Kjalarnes síðan í morgun, sem og Hellisheiði auk fleiri leiða. Þá eru frekari lokanir fyrirhugaðar. Í tilkynningu Vegagerðarinnar segir að búast megi við að lokunum á eftirfarandi vegum í dag:

&nbsp;

09:00 – 18.00 Eyjaföll -LOKAÐ

11:00 – 18.00 Hellisheiði. -LOKAÐ

11:00 – 18:00 Mosfellsheiði og Lyngdalsheiði. - LOKAÐ

12:00 – 17:00 Reykjanesbraut og Grindarvíkurvegur- LOKAÐ

09:00 – 18:00 Kjalarnes - LOKAÐ

13:35 Holtavörðuheiði - LOKAÐ

13:00 Mývatns- og Möðrudalsöræfi, Vopnafjarðarheiði. - LOKAÐ

Fjarðarheiði, Oddskarð. - LOKAÐ

&nbsp;

Óveðrið er heldur fyrr á ferðinni en áætlað var. „Það hefur í för með sér að veður er þegar mjög versnandi á Hellisheiði og Mosfellsheiði. Blint þar og vaxandi vindur. Á Kjalarnesi skefur og þar verða hviður 35-40 m/s frá hádegi. Hvessir fljótlega austur undir Eyjafjöllum og í Mýrdal og fljótlega hviður þar allt að 40-50 m/s í A-áttinni.  Útlit er fyrir að versni á Reykjanesbraut upp úr kl. 12 og þar vindur um 25 m/s þvert á, með hviðum allt að 35-40 m/s samfara krapa og vatnsaga. Á Holtavöruheiði og Bröttubrekku gerir síðan hríðarveður um miðjan dag,“ segir í tilkynningunni.

„Á Austfjörðum mun smám saman gera stórhríðarveður og  hvessir með skafrenningi austan- og norðaustanlands einnig..  Hríðarveður eins á fjallvegum Vestfjarðar þegar kemur fram á daginn.  SV-lands má reikna með að það lægi í kjölfar skilanna á milli kl. 16 og 17.“

&nbsp;

Hálka eða snjóþekja er á Vesturlandi en snjóþekja á Bröttubrekku. Ófært er um Fróðárheiði og lokað um Holtavörðuheiði.  Á sunnanverðum Vestfjörðum er hálka, hálkublettir og snjóþekja. Ófært er úr Bjarnarfirði á Ströndum norður í Árneshrepp. Á Vestfjörðum er ófært á Hálfdán, Mikladal og Kleifaheiði, þæfingur er á Klettshálsi annars er snjóþekja, hálka og éljagangur á norðanverðum Vestfjörðum

&nbsp;

„Vegna hættu á slitlagsskemmdum hefur víða þurft að fella viðauka 1 úr gildi og takmarka ásþunga við 10 tonn. Flutningsaðilar eru beðnir að kynna sér vel ástandið á sinni leið,“ segir í tilkynningu Vegagerðarinnar.

Margir vegir lokaðir vegna veðurs