medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Grunnskóli Borgarfjarðar, Kleppjárnsreykjadeild, er þátttakandi í verkefninu Leiðtoginn í mér sem er hugmyndafræði fyrir skóla sem byggir á bók Steven R. Covey: 7 venjur til árangurs. Hún gengur út á það að byggja upp sterka einstaklinga til að takast á við áskoranir í lífi og starfi. Tilgangurinn er ekki að búa til leiðtoga úr öllum, heldur að hjálpa hverjum einstaklingi að blómstra og vinna út frá sínum eigin styrkleikum. Læra að bera ábyrgð á eigin ákvörðunum og þannig móta líf sitt til hins betra ásamt því að þroska samskiptahæfni nemenda og starfsfólks.

Einn liður í þessu verkefni er að halda svokallaðan Leiðtogadag en það er gert á hverju skólaári. Þá skipuleggja nemendur og starfsfólk skólans dagskrá og bjóða svo gestum að koma og njóta. Að þessu sinni var íbúum frá Hvanneyri boðið að koma og njóta dagskrárinnar á Kleppjárnsreykjum auk þess sem sveitarstjóra var boðið og skólastjórnendum nokkurra leik- og grunnskóla.

Dagskráin hófst í matsal skólans þar sem fulltrúar úr nemendaráði buðu gesti velkomna og fóru yfir það hvernig venjurnar sjö nýtast í skólastarfinu. Þá lásu þeir Pétur Lárusson og Ágúst Páll Þorsteinsson úr bókum sem þeir eru að lesa og sigurvegarar í Söngvarakeppni GBF fluttu eitt lag. Það eru þær Þórunn Tinna Jóhannsdóttir, Unnur Björg Ómarsdóttir og Embla Ýr Andraóttir. Að lokum gerði Jón Björn Blöndal grein fyrir áhugasviðsvali sem nemendur í 5.-10. bekk vinna að í tvær kennslustundir á viku. Sýnd voru verkefni frá nemendum úr þessum tímum og m.a. myndbandið Allt er hægt ef viljinn er fyrir hendi.

Héldu leiðtogadag á Kleppjárnsreykjum