medium

thumbnail

small

custom-size

Skemmtiferðaskipið MS Fram kom í Stykkishólm

large

1536x1536

2048x2048

Skólakórinn hélt tónleika í kirkjunni

Ný varatreyja Skallagríms vekur athygli

Útskriftarefni FSN hlupu af sér hornin

Stefán Teitur danskur bikarmeistari

Vilja að áform um vetnis- og ammoníakframleiðslu í Hvalfirði verði stöðvuð

core/freeform

Botnlið Snæfell tók á móti Keflvíkingum í Domino‘s deild karla í körfuknattleik í gær. Snæfell hefur sem kunnugt er átt erfitt uppdráttar í vetur þó batamerki hafi verið á leik liðsins eftir því sem liðið hefur á mótið. Það hefur þó ekki dugað þeim til sigurs hingað til í vetur engin breyting varð þar á í gær. Keflvíkingar stjórnuðu ferðinni frá upphafi til enda og unnu að lokum öruggan sigur, 75-97.

Keflvíkingar hófu leikinn af miklum krafti. Þeir voru komnir ellefu stigum yfir þegar upphafsfjórðungurinn var hálfnaður og settu í fluggírinn undir lok leikhlutans og leiddu með 20 stigum að honum loknum, 35-15. Gestirnir bættu lítillega við forskotið í upphafi annars fjórðungs en á lokamínútum fyrri hálfleiks tóku Snæfellingar við sér og minnkuðu muninn í 16 stig fyrir hléið, 38-54.

Jafnræði var með liðunum í þriðja leikhluta þó staðan hafi ekki verið jöfn. Liðin svöruðu hverju stigi og staðan í leiknum breyttist því nánast ekkert fyrir lokafjórðunginn. Áfram var jafnt á með liðunum allt þar til um fimm mínútur lifðu leiks að gestirnir tóku góða rispu sem varð til þess að 22 stigum munaði á liðunum þegar leiktíminn var úti. Lokatölur í Stykkishólmi urðu 75-97, Keflvíkingum í vil.

Árni Elmar Hrafnsson var stigahæstur leikmanna Snæfells með 14 stig. Næstur honum kom Sveinn Arnar Davíðsson með tólf stig og fimm fráköst og Þorbergur Helgi Sæþórsson skoraði ellefu stig.

Snæfell er enn án stiga á botni deildarinnar eftir 14 leiki, tíu stigum á eftir Haukum sem eiga leik til góða í sætinu fyrir ofan og tólf stigum frá sætunum fyrir ofan fallsætin. Næst leika Snæfellingar fimmtudaginn 26. janúar næstkomandi þegar þeir mæta liði Þórs frá Þorlákshöfn í Stykkishólmi.

Gestirnir stjórnuðu ferðinni frá upphafi