medium

thumbnail

small

custom-size

Sameinast um nýtt starf við sjúkraflutninga

large

1536x1536

2048x2048

Brák kaupir fjölbýlishúsið við Dalbraut 6 á Akranesi af Leigufélagi aldraðra

Jólasveinar briddsfélagsins

Spáð er éljagangi um vestanvert landið með kvöldinu

Sóttu jólatré í Skjólbeltin

Gatnagerð hafin við Vallarás í Borgarnesi

core/freeform

Stefán Bjarnason, fyrrverandi yfirlögregluþjónn á Akranesi, fagnar hundrað ára afmæli í dag. Stefán fæddist á Sauðárkróki 18. janúar 1917 en býr nú á hjúkrunar- og dvalarheimilinu Höfða á Akranesi. Hann segir heilsuna vera ágæta og þakkar langlífið fimleikunum sem hann byrjaði að stunda ungur og æfingum sem hann gerir enn á hverjum degi. „Mér líður ágætlega,“ segir Stefán í samtali við blaðamann Skessuhorns. „Það er misjafnt hvernig fólk er til heilsunnar en ég hef gert æfingar oft á dag alla mína tíð. Ég get þakkað kennara mínum frá barnæsku, Bergi nokkrum. Ég var fremstur í röðinni í fimleikunum hjá honum og hafði dálæti á honum,“ heldur hann áfram.

Frá níu ára aldri ólst Stefán upp á Siglufirði, þar sem áhuginn á fimleikum vaknaði og seinustu árin fyrir norðan leiddi hann starfið í fimleikaflokknum. Hann byrjaði í lögreglunni á Siglufirði tvítugur að aldri og 24 ára gamall hóf hann störf hjá lögreglunni á Akranesi þar sem hann var allt til starfsloka þegar hann varð 65 ára. Fimleikana hélt hann áfram að stunda og þjálfa eftir að hann fluttist á Skagann og stofnaði hann og leiðbeindi fyrsta fimleikaflokki ÍA. Stefán hefur alla tíð hugsað vel um heilsuna. Hann borðar allan mat og hefur alltaf verið reglusamur. Hann segist þó hafa byrjað að reykja við fermingu en það stóð stutt yfir. „Ég var alltaf í sporti. Svo var það í eitt sinn að yngri strákur elti mig uppi í renningarleik [eltingarleik, innsk. blm.] og ég skammaðist mín svo mikið að ég hætti. Hann var í góðri þjálfun, var skíðamaður og hafði gott úthald en það skildi ég ekki þá. Ég kenndi reykingunum um,“ segir hann hress. Þessi hái aldur kemur afmælisbarninu á óvart. „Ég átti ekki von á þessu. Ég fékk heilablæðingu fyrir mörgum árum en var svo heppinn að hún gekk til baka. Maður nær sér aldrei alveg af svoleiðis. En ég hef alltaf verið duglegur að hreyfa mig, að sparka og gera æfingar og ég þakka því,“ segir Stefán Bjarnason.

Stefán Bjarnason fyrrverandi yfirlögregluþjónn er 100 ára í dag