medium

thumbnail

small

custom-size

Hættuástand varir á Vestfjarðavegi um Dali

large

1536x1536

2048x2048

Stjórn KFÍA vill halda núverandi legu knattspyrnuvallarins á Jaðarsbökkum

Barist um besta verðið í Borgarnesi

Fjör, gleði og dans á Diskóeyjunni

Vörumerkið mitt og vörumerkið Vesturland

Byggja þrjár nýjar spennistöðvar í Snæfellsbæ

core/freeform

Dragnótarbáturinn Steinunn SH réri í morgun frá Ólafsvík þrátt fyrir að verkfall sjómanna standi enn yfir og kjaradeilan hafi verið óleyst síðan verkfall hófst 14. desember sl. Útgerð Steinunnar SH er fjölskyldufyrirtæki og á þeirri forsendu að áhafnarmeðlimir væru jafnframt útgerðaraðilar var haldið til veiða í morgun. Fjöldi sjómanna tók í kvöld á móti Steinunn SH þegar báturinn kom til hafnar í Ólafsvík. Eggert Bjarnason sjómaður færði áhöfn Steinunnar SH blómvönd fyrir hönd sjómanna í Snæfellsbæ og þakkaði þeim fyrir samstöðuna í miðri kjaradeilu sjómanna. Lét hann þess jafnframt getið að hann vonaðist til að áhöfnin á Steinunni komi til með að njóta þeirra kjarabóta sem sjómenn eru nú að berjast fyrir.

Óðinn Kristmundsson einn af eigendum útgerðar Steinunnar sagði aðspurður að þeir hefðu fullt leyfi til að fara á sjó þar sem eigendurnir væru fimm um borð og þá voru aðrir fjórir um borð sem tengjast útgerðinni fjölskylduböndum. „Við höfum kannað þetta mál til hlýtar og fengum álit lögfræðings SFS og þeirra mat er að við mættum fara á sjó,“ sagði Óðinn þegar sjómenn ræddu við hann á hafnarbakkanum.

Að sögn Eggerts Bjarnasonar eru sjómann í Snæfellsbæ afar ósáttir við að aðrir sjómenn séu að brjóta samstöðu í miðju verkfalli, jafnvel þótt fjölskyldufyrirtæki eigi í hlut. Hann segir að haft hafi verið samband við Vilhjálm Birgisson formann Verkalýðsfélag Akraness í dag vegna málsins, þar sem formaður Verkalýðsfélags Snæfellsness hafi ekki viljað taka afstöðu með sjómönnum. Vilhjálmur á að hafa túlkað málið með þeim hætti að róður þeirra á Steinunni SH hafi verið verkfallsbrot. Vilhjálmur ræddi auk þess við Magnús Nordal yfirlögfræðing ASÍ og var hans mat einnig að um skýrt verkfallsbrot hafi verið að ræða.

Eggert Bjarnason segir í samtali við Skessuhorn að hann hafi heimilidir fyrir því að ef aftur verður róið á Steinunni SH á morgun verði samningaviðræður milli Sjómannasambandsins og SFS í uppnámi. „Vilhjálmur Birgisson formaður VLFA og einn af samninganefndarmönnum fyrir hönd sjómanna, hefur staðfest við mig að áframhaldandi viðræður milli sjómanna og SFS verði í uppnámi haldi áhöfn Steinunnar SH á sjó á morgun,“ sagði Eggert Bjarnason.

[caption id="attachment_10082" align="alignnone" width="600"]<img class="wp-image-10082 size-medium" src="http://skessuhorn.wpengine.com/wp-content/uploads/2017/01/STeinunn-SH_2-600x390.jpg" width="600" height="390" /> Hópur sjómanna beið eftir að skipið kæmi að landi. Ljósm. af.[/caption]

Viðræður sjómanna í uppnámi haldi meint verkfallsbrot áfram