medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/freeform

Nú um helgina verður sannkölluð jólastemning í Garðalundi á Akranesi. Bæði í kvöld, föstudaginn 16. og á morgun, laugardaginn 17. desember, verður boðið upp á svokallaða Jólagleði í Garðalundi, þar sem ýmislegt verður um að vera, allt í anda jólanna. Þrjár konur sjá um skipulagningu Jólagleðinnar; þær Hlédís Sveinsdóttir, Margrét Blöndal og Sara Hjördís Blöndal. Gleðin byrjar á föstudagskvöld en þá hefst „Leitin að jólasveininum“. „Leiðangurinn er fyrir þá sem vita að jólasveinninn er til og finnst spennandi að fara út að leita að honum,“ segir Margrét í samtali við Skessuhorn. Mæting í Garðalund er klukkan 19:50 og geta fjölskyldur notið þess að stelast út eftir kvöldmat og átt ánægjulega stund saman. Felix Bergsson verður leiðangursstjóri og haldið verður af stað klukkan 20. „Það verður ýmislegt sem gerist á leiðinni og markmiðið er að finna jólasveininn. Vonandi finnst hann á endanum. Þetta verður sannkallað aðventuævintýri,“ útskýrir Hlédís. „Þetta verður töfrastund sem byrjar í raun heima og við hvetjum alla til að koma með annað hvort vasaljós eða ennisljós,“ bætir Sara við. Ekkert kostar að taka þátt í viðburðinum og eru þátttakendur hvattir til þess að geyma farsímana heima. „Símarnir gætu stolið stemningunni, þarna er bara spurning um að mæta og njóta. Þetta verður ævintýrastund fyrir börn og fullorðna,“ segja stöllurnar.

Gleðin heldur svo áfram á laugardag en þá verður haldinn ilmandi jólamarkaður í Garðalundi, þar sem ýmislegt verður á boðstólnum. „Það stefnir allt í að það verði til dæmis hægt að versla hátíðarmatinn og jólaskreytingar á markaðinum,“ segir Hlédís. Markaðurinn verður opinn frá klukkan 13 til 15 og þar verður handverk, matur, listmunir og tónlistaratriði á boðstólnum, svo eitthvað sé nefnt. Þar verður einnig hægt að finna ristaðar jólamöndlur, jólatré í potti, eldsmiði að störfum, Pop - up kaffihús, jólasveina og súkkulaðiálfa. Það ættu því flestir að geta fundið eitthvað við sitt hæfi.  „Við vonum að allir njóti þess að eiga fallega og ljúfa jólastund í skógræktinni. Þarna verður músík og vonandi ljúf og falleg jólastemning. Þetta er bara spurning um að koma og njóta, sýna sjálfan sig og hitta aðra.“

Það eru Akraneskaupstaður, Hollvinasamtök Grundaskóla, Íslandsbanki, Brekkubæjarskóli og Tónlistarskólinn á Akranesi sem standa að Jólagleðinni í Garðalundi. „Við höfum fengið góða hjálp úr ýmsum áttum og það er gaman hvað allir eru jákvæðir og tilbúnir til að taka þátt. Fólki finnst þetta ekki bara góð hugmynd, heldur vilja margir einnig leggja verkefninu lið og vera með. Það skín alveg í gegn hvað allir eru jákvæðir og til í þetta,“ segja Margrét, Sara og Hlédís.

Jólagleði í Garðalundi um helgina