medium

thumbnail

small

custom-size

Skagamenn fengu Keflavík í Mjólkurbikarnum

large

1536x1536

2048x2048

Andlát og minning – Bogga á Báreksstöðum

Skagamenn í 16-liða úrslit í Mjólkurbikarnum – Dregið í hádeginu

Veturinn kvaddi með þunga og skemmdum á þakköntum

Lýðheilsuverðlaunin afhent á Bessastöðum

Annir hjá björgunarsveitum í gær á sumardaginn fyrsta

core/freeform

Fyrirtækið Spölur ehf., sem á og rekur Hvalfjarðargöng, hefur fest kaup á og tekið í notkun nýjan vélsóp sem verður notaður til að vinna gegn rykmyndun í göngunum. Rykmyndun er sérlega hröð að vetrinum þegar margir vegfarendur aka bílum á negldum hjólbörðum.

Sem kunnugt er eru göngin þrifin með stórvirkum ryksugu- og þvottabílum að hausti og vori. Það er gert að næturlagi og þá er lokað fyrir umferð á meðan. Á heimasíðu Spalar segir frá því að sú hugmynd hafi kviknað hjá starfsmönnum fyrirtækisins á liðnu vori að félagið myndi kaupa vélsópa sem notaður yrði til að halda göngunum hreinum milli stóru vor- og haustþrifanna, ekki síst að vetri þegar nagladekk bifreiða þyrla upp ryki margfalt á við það sem gerist að sumri. Starfsmönnum bárust til eyrna fregnir af sýningu í Þýskalandi þar sem yrðu vélsópar af ýmsu tagi til sýnis. Fulltrúar fyrirtækisins fóru utan, fundu álitlegan sóp sem fyrirtækið keypti. Tækið var síðan prófað eina nóttina snemma í síðasta mánuði og að því er segir á heimasíðu Spalar var reynslan í samræmi við væntingar. „Auðvelt er að sópa upp ryki af vegöxlum og í útskotum og þetta er unnt að gera síðla nætur, þegar umferð er sáralítil, án þess að loka göngunum,“ segir á heimasíðu Spalar. Starfsmenn Meitils ehf. á Grundartanga munu sjá um að þrif ganganna á nýja sópnum. „Þannig ætti að vera unnt að minnka rykmengunina umtalsvert, sem er bæði öryggisatriði og í þágu vegfarenda á allan hátt að hafa sem hreinast loft í kringum sig á ferð undir fjörðinn.“

Spölur kaupir vélsóp til að þrífa göngin