medium

large

thumbnail

1536x1536

small

custom-size

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

2048x2048

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

core/freeform

Snorrastofa í Reykholti býður til fyrsta fyrirlestrar vetrarins þriðjudaginn 25. október næstkomandi undir heitinu „Vinna kvenna í 800 ár. Hefðir og vinnubrögð við íslenskan vefnað frá landnámi“. Það er fornleifafræðingurinn Michèle Hayeur Smith, sem flytur fyrirlesturinn á ensku en hún hefur lengi rannsakað vefnaðarsögu Íslands og eins og hún birtist í fornleifum. Þrátt fyrir erlenda tungu er óhætt að mæla með kvöldinu, þar sem myndmálið verður ríkulega látið tala. Fyrirlesturinn verður í Bókhlöðu Snorrastofu, hefst kl. 20:30 og að venju er boðið til umræðna og kaffiveitinga. Aðgangur er kr. 500.

Michele fjallar um íslenskan vefnað frá landnámi og fram á 17. öld, sem hvíldi á vinnuframlagi kvenna og hafði mikla þýðingu fyrir þjóðarbúið. Enda þótt um föt og vefnað sé víða fjallað í rituðum textum allt frá miðöldum hefur minna verið fjallað um hið mikla magn fornleifa, sem sýna sögu þessa iðnaðar hér á landi. Í ljósi fornleifanna má vel greina störf kvenna í gegnum aldir og þá þróun, sem varð í vefnaði og hvernig klæðin voru notuð.

Fyrirlesturinn byggir Michele á tveimur vefnaðarrannsóknum fornleifa í Þjóðminjasafni Íslands, sem fram hafa farið á síðastliðnum sex árum og kemur einnig inná niðurstöður rannsókna um „Bláklæddu konuna“ (The woman in blue from Ketilsstaðir). Fyrirlestur sinn nefnir hún á ensku, 800 Years of Women’s Work: Textile traditions in Viking and Medieval Iceland. Michèle Hayeur Smith er fornleifafræðingur við Brown University með textíl að sérgrein og hefur starfað að rannsóknum á vefnaðarsögu Íslands og landanna við Norður Atlantshaf frá árinu 1997.

Snorrastofa fagnar vetri með útgáfu á viðburðaskrá komandi vetrar, sem berst á næstu dögum. Þar er birt yfirlit yfir viðburði og annað starf, sem fram fer í menningar- og miðaldasetrinu í Reykholti.

<em>-tilkynning</em>

Umfjöllun í Snorrastofu um 800 ára vefnaðarsögu Íslands