medium

large

thumbnail

1536x1536

2048x2048

small

custom-size

Fjölmenni á baráttufundi kennara

Ljósakrossar Lionsklúbbsins á aðventunni

Kuldinn truflar merkingar á sorptunnum

Koma skemmtiferðaskipa til landsins í góðu jafnvægi

Níutíu ára Einarsbúð er elsta matvöruverslun landsins

Verkfall boðað í Grundaskóla á Akranesi 6. janúar

core/freeform

Alþjóðlega kvikmyndahátíðin Northern Wave verður haldin helgina 21.-23. október næstkomandi í Frystiklefanum í Rifi. Þetta er í níunda sinn sem hátíðin er haldin en hingað til hefur hún farið fram í Grundarfirði. Með auknum ferðamannastraumi reyndist erfitt að fá nægt gistipláss fyrir gesti hátíðarinnar í Grundarfirði og var hún því færð í Snæfellsbæ. Í Frystiklefanum er rekið bæði gistiheimili og leikhús og aðstaðan þykir henta vel hátíð sem Northern Wave, segir Dögg Mósesdóttir, sem skipulagt hefur hátíðina frá upphafi. Gestir munu gista í nokkrum bæjarfélögum á svæðinu en boðið verður upp á skutlþjónustu á milli staða.

„Í ár hefur verið lögð mikil áhersla á að búa til skemmtilega dagskrá fyrir börn en hátíðin fer fram um vetrarfríhelgi grunnskólabarna. Boðið verður upp á sérstakar dagskrá mynda fyrir börn og hreyfimyndanámskeið en afraksturinn verður sýndur á hátíðinni. Þá verða sýndar skrípómyndir á 8mm sýningarvél en börnum verður boðið að prófa að þræða vélina sjálf. Hægt er að skrá börn á hreyfimyndanámskeiðið með því að senda tölvupóst á info@northernwavefestival.com eða hringja í síma 770-0577.“

Fyrir utan metnaðarfulla sýningu á yfir sextíu alþjóðlegum stuttmyndum, íslenskum tónlistarmyndböndum sem erlendum, býður hátíðin upp á tónleika, fyrirlestur og að lokum fiskiréttasamkeppni. Fiskiréttakeppnin hefur slegið í gegn en þar fá bæjarbúar tækifæri til að flagga því góða hráefni sem framleitt er á staðnum, þ.e.a.s. fiskinum og keppa sín á milli um besta fiskiréttinn eða súpuna. „Í ár langar okkur til að hvetja fólk í veitingarrekstri á svæðinu til að koma með rétti. Hrefna Rósa Sætran dæmir í keppninni en í verðlaun er dekurgjafabréf fyrir tvo á Hótel Búðir að verðmæti 53.900 og gjafabréf fyrir tvo út að borða á Fisk- eða Grillmarkaðinn. Skráning fer fram á heimasíðu hátíðarinnar www.northernwavefestival.com eða á info@northernwavefestival.com

Nokkrir tónlistarmenn munu spila á hátíðinni og fylgja þannig eftir tónlistarmyndböndum sínum en nú þegar hefur Védís Hervör, Futuregrapher, Chryptochrome og Bláskjár staðfest að þau munu spila á hátíðinni. Heiðursgestur hátíðarinnar verður leikkonan Ilmur Kristjánsdóttir sem ætti að vera öllum Íslendingum að góðu kunn, en erlendir gestir hátíðarinnar ættu að kannast við hana úr þáttaröðinni Ófærð. Ilmur mun sitja fyrir svörum á hátíðinni og ræða sína reynslu af kvikmyndagerð sem leikkona, en líka sem handritshöfundur.

„Við vonum að íbúar á svæðinu njóti hátíðarinnar sem og gestir hennar og bjóðum alla hjartanlega velkomna,“ segir Dögg. Allar nánari upplýsingar er að finna á www.northernwavefestival.com

<p>[&#8230;] Sjá nánar hér: Ilmur verður heiðursgestur Northern Wave kvikmyndahátíðarinnar &#8211; Skessuhorn [&#8230;]</p>


Ilmur verður heiðursgestur Northern Wave kvikmyndahátíðarinnar