medium

large

thumbnail

1536x1536

small

custom-size

Breyttur útivistartími barna og unglinga hefur tekið gildi

Dilkaslátrun hófst í Borgarnesi í síðustu viku

2048x2048

Fjölbrautaskóli Snæfellinga fagnaði 20 ára afmæli á föstudaginn – myndir

Dreifing á ruslatunnum gengur vel í Snæfellsbæ

Lokafrágangur eftir við nýtt listaverk Erró í Ólafsvík

Héldu sveitaball í samkomuhúsinu Röðli

core/freeform

„Ég vil að forusta Framsóknarflokksins fái umboð með afgerandi hætti á flokksþingi sem haldið verður 1. og 2. október næstkomandi í Reykjavík. Þess vegna tók ég þá ákvörðun að bjóða mig fram til formanns Framsóknarflokksins og tryggja að í það minnsta fari fram kosning um forustuna,“ segir Sveinbjörn Eyjólfsson á Hvanneyri, forstöðumaður Nautastöðvar BÍ á Hesti. Hann dregur ekki dul á að framboð hans sé öðrum þræði táknrænt. Ef Sigurður Ingi Jóhannsson forsætisráðherra gefi kost á sér til formennsku í Framsóknarflokknum, muni hann draga framboð sitt til baka. Á fundi miðstjórnar flokksins á Akureyri um helgina gerði Sveinbjörn þessa ákvörðun sína opinbera.

„Eiginlega var ég strax í vor að hugsa um að gera eitthvað þessu líkt því mér hefur fundist að þessi gamli flokkur minn ætti skilið að fá forustu sem allir gætu sætt sig við.“ Sveinbjörn segir að traust og trúnaður á Sigmundi Davíð Gunnlaugssyni formanni sé laskað. „Þetta er flokkur sem á að hafa prýðilega málefnastöðu, en á sama tíma eru menn uppteknir í vonlausri baráttu að verja geymslu fjármuna á Tortóla. Flokkurinn nýtur af þessum sökum ekki trausts og verður að vinna sig út úr því. Ég hef sagt á okkur fundum að sagnfræðingar framtíðarinnar munu setja Sigmund á stall og þau verk sem hann hefur áorkað. En kjósendur nútímans eru ekki að heillast og við þurfum að vinna þeirra traust á nýjan leik. Ég tel að við gerum það ekki með Sigmund Davíð í fararbroddi nema að hann fái verulega afgerandi umboð til þess að gegna áfram formennsku.“ Sveinbjörn segist treysta Sigurði Inga Jóhannssyni til að leiða flokkinn og ef hann býður sig fram gegn sitjandi formanni muni hann styðja að forsætisráðherrann verði jafnframt formaður Framsóknarflokksins. „Það er nauðsynlegt að forustan fái sterkt umboð á flokksþingi og menn gangi sameinaðir til kosninga.“

Sveinbjörn býður sig fram til formennsku í Framsóknarflokknum