medium

large

thumbnail

1536x1536

2048x2048

small

custom-size

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

Hoppað á og hoppað út á Snæfellsnesi

Byggðasafnið í Görðum lokað næstu tvær helgar

Uppskeruhátíð tónlistarskóla í Tónbergi

core/freeform

Fréttatíminn birti í gær ítarlega frétt um slæman aðbúnað starfsfólks og mannfæð á Hótel Framnesi í Grundarfirði. Þar er jafnframt grunur um að starfi útlent vinnuafl, jafnvel hælisleitendur án atvinnuleyfa. Sigurkarl Bjartur Rúnarsson keypti Hótel Framnes í maí á þessu ári. Hann hefur legið undir ámæli fyrir að hafa hælisleitendur án atvinnuleyfis að störfum. Áður en Sigurkarl Bjartur keypti hótelið voru 17 starfsmenn á því og mjög góð nýting á hótelinu. Strax eftir eigendaskiptin var byrjað að segja upp heimafólki og öllu vönu starfsfólki og útlendingar ráðnir í störfin. Það vakti einnig athygli ritstjórnar Skessuhorns fyrr í sumar að Sigurkarl Bjartur baðst ítrekað undan fréttaviðtali um starfsemina, en slíkt þiggja undantekningarlaust þeir sem reka fyrirtæki í landshlutanum til að vekja athygli á starfseminni.

Samkvæmt frétt Fréttatímans í gær hafa lögregla, Verkalýðsfélag Snæfellinga og Alþýðusamband Íslands farið í þrjár eftirlitsferðir á hótelið í sumar. Er rekstur þess undir smásjá lögreglu og verkalýðsfélagsins en starfsmenn hafa lýst afar slæmum vinnuaðstæðum. Í vikunni voru aðeins þrír starfsmenn á 60 manna hótelinu. Einn fráfarandi starfsmaður lýsir í viðtali við Fréttatímann miklu vinnuálagi og ómanneskjulegum aðstæðum sem bitni á þjónustu og hreinlæti á hótelinu. Viðkomandi gafst upp og vakti athygli fjölmiðla á aðstæðum. „Við höfum áhyggjur af hótelinu og að þar séu erlendir starfsmenn sem ekki þekki rétt sinn né launakjör. Þar ríkir algjör undirmönnun og við vitum að starfsmenn hafa leitað læknishjálpar vegna álags,“ sagði Guðbjörg Jónsdóttir hjá Verkalýðsfélagi Snæfellinga í samtali við Fréttatímann.

<a href="http://www.frettatiminn.is/a-hotel-framnesi/">Sjá nánar umfjöllun Fréttatímans.</a>

Hótelrekstur undir smásjá lögreglu og verkalýðsfélags