medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

„Á slóðum endurreisnarinnar“ (Renaissance Itineraries) er fimmta ráðstefna Norræna tengslanetsins um endurreisnarfræði sem haldin verður í Snorrastofu í Reykholti. Fer hún fram dagana 28. - 30. september.

„Frá lokum miðalda og fram eftir nýöld urðu afgerandi breytingar á evrópskri menningu með gríðarlegum landafundum og vísinda- og tækninýjungum af ýmsu tagi sem umbyltu heimsmynd álfunnar. Við fall Miklagarðs árið 1454, sem olli flótta menntamanna í vesturátt með tilheyrandi flutningi handrita, jókst aðgengi að fornmenntum Miðjarðarhafsins sem urðu með tímanum að ráðandi fyrirmynd í menningu og listum. Um 1600, ekki síst fyrir tilstilli Arngríms fróða, uppgötvuðu evrópskir lærdómsmenn fornar menntir norðurslóða, þar á meðal Noregskonunga sögur íslenska höfðingjans Snorra Sturlusonar, sem prentaðar voru og þýddar á ýmis mál. Undir lok tímabilsins tók Þormóður Torfason upp þráðinn frá miðöldum og ritaði á latínu sögu Norðurlanda og Atlantshafseyja á grundvelli íslenskra heimilda,“ segir í tilkynningu frá Snorrastofu.

Norræna tengslanetið um endurreisnarfræði var stofnað í Róm árið 2011 og hefur þegar haldið ráðstefnur í höfuðborgum hinna Norðurlandanna. Erindi á málþinginu flytja 40 fræðimenn frá Íslandi, Danmörku, Noregi, Svíþjóð, Finnlandi og Þýskalandi.

Allir fyrirlestrar á þinginu verða haldnir í Reykholti fimmtudaginn 29. september frá kl. 8 – 16:30 og eru opnir gegn 5000 króna ráðstefnugjaldi sem er greiðsla fyrir hádegismat, kaffi og meðlæti. Væntanlegir þátttakendur eru beðnir að skrá sig hjá Sigrúnu Þormar (<a href="mailto:sigrun@snorrastofa.is">sigrun@snorrastofa.is</a>). Þangað eru allir velkomnir.

<img class="alignnone size-medium wp-image-56502" src="https://skessuhorn.is/wp-content/uploads/2022/09/Norraen-radstefna_2-600x536.png" alt="" />

Norræn ráðstefna fer fram í Reykholti í vikunni