Spáð er suðvestan hvassviðri eða stormi á laugardagskvöld

Veðurstofan hefur gefið út gula viðvörun vegna veðurs á laugardagskvöldið. Er viðvörun í gildi fyrir mestallt landið. Á spásvæðinu Faxaflóa verður suðvestan 15-23 m/s og vindhviður víða yfir 30 m/s frá því um klukkan 21 og til morguns. Á Breiðafjarðarsvæðinu er varað við veðri frá klukkan 18 á laugardag og til sunnudagsmorguns. Þar verður einnig suðvestan 15-23 m/s og vindhviður geta víða farið yfir 30 m/s. Rokinu fylgir talsverð úrkoma.

Við þessar aðstæður verður varasamt að vera á ferð á ökutækjum sem taka á sig mikinn vind. Fólk er hvatt til að ganga frá lausamunum eins og garðhúsgögnum og trampólínum.

Líkar þetta

Fleiri fréttir

Mokveiði í dragnót

Dragnótarbáturinn Steinunn SH frá Ólafsvík lenti heldur betur í mokveiði rétt undan Ólafsvík á sunnudaginn. Köstuðu skipverjar dragnótinni aðeins þrisvar... Lesa meira