medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Fjórir kappar tókust hart á um sigur í Vestfjarðavíkingnum 2022. Þessi rótgrónasta aflraunakeppni landsins var haldin dagana 1. til 3. júlí síðastliðinn, þrítugasta árið í röð. Afmælisvíkingurinn hófst á Patreksfirði á föstudeginum og síðan barst leikurinn seinna dags til Reykhóla. Á laugardag var tekist á suður um í Búðardal og á Hellissandi og lauk keppni í Stykkishólmi á sunnudeginum þar sem meðfylgjandi mynd var tekin.

Keppendur voru tíu og fjórir skáru sig fljótlega úr í baráttunni um víkingahjálminn. Þeir hafa allir látið mikið að sér kveða í aflraunum sumarsins. Kristján Jón Haraldsson rétt missti af hjálminum í fyrra og tók snemma forystu í ár. Stefán Karel Torfason fylgdi honum eins og skugginn. Vilius Jokuzys gerði harða atlögu á öðrum keppnisdegi með ótrúlegri frammistöðu í uxagöngu og bændagöngu í Búðardal en Kristján Jón stóðst áhlaupið og styrkti stöðu sína í kútakasti á Hellissandi. Hann hélt síðan fengnum hlut í lokagreinunum í Stykkishólmi, drumbalyftu og réttstöðulyftu. Stefán Karel varð í öðru sæti og Kristján Sindri Níelsson náði þriðja sætinu með ótrúlegum lokaspretti og sigri í lokagreinunum tveimur.

Upphafsmaður Vestfjarðavíkingsins, Guðmundur Otri Sigurðsson, afhenti köppunum verðlaun í mótslok og Kristjáni Jóni Víkingahjálminn. Hann naut þar aðstoðar Magnúsar Vers Magnússonar aflraunakappa sem tók við mótshaldinu fyrir margt löngu en hann vann þessa keppni alls níu sinnum á sínum tíma. Kristján Jón sagði kotroskinn í viðtali við RÚV eftir sigurinn að honum liði vel og þetta hefði verið mjög skemmtileg helgi: „Ég vissi að ég gat unnið þetta mót og ég gerði það.“

Vestfjarðavíkingurinn fór víða að þessu sinni