Fjölskylduhátíð SÁÁ að Skógum um verslunarmannahelgina

Skógar 22, fjölskylduhátíð SÁÁ, verður haldin að Skógum um verslunarmannahelgina. Hátíðarsvæðið er við Skógaskóla í einstaklega fallegu og skjólsælu umhverfi. Fjölskylduhátíð SÁÁ er fyrir alla aldurshópa og verður fjölbreytt dagskrá í boði. Þar á meðal má nefna hljómsveit, skemmtiatriði, töframann, brekkusöng, paintball, hoppukastala, sápubolta, ratleik, jóga, sjálfsvinnu, listasmiðju og margt fleira.

Stutt er í fjölbreytta útiveru í næsta nágrenni. Þar á meðal má nefna lengri sem skemmri gönguleiðir, Skógafoss, Paradísarhelli, Seljalandsfoss, Seljavallalaug og Kvernugil. Örskammt frá er Byggðasafnið að Skógum. Fyrsta flokks aðstaða er á hátíðarsvæðinu fyrir ferðavagna jafnt sem tjöld. Rafmagn er í boði fyrir ferðavagna. Í Skógaskóla er hægt að fá gistingu í Hótel Kverna.

Miðasala er á Tix.is og hjá SÁÁ í Efstaleiti 7. Forsala er til 15. júlí, en eftir það hækkar verð.

-fréttatilkynning

Líkar þetta

Fleiri fréttir