medium

large

thumbnail

small

custom-size

Bjarki Pétursson varð í sjöunda sæti

1536x1536

Snæfell kom sér inn í einvígið gegn Tindastóli

Gleði og glaumur á söngleiknum Grease

2048x2048

Kallað eftir tilnefningum til foreldraverðlauna

Fellsströndin og Gullni söguhringurinn

Salmonella í kjúklingi frá Matfugli

core/freeform

Í dag hófst fjáröflunar- og árvekniátak Krafts, stuðningsfélags fyrir ungt fólk sem greinst hefur með krabbamein og aðstandendur. Markmið átaksins er að selja ný „Lífið er núna“ armbönd, fá fólk til að koma saman og sýna samstöðu með því að perla armbönd og sýna almenningi inn í reynsluheim félagsmanna Krafts og þeim áskorunum sem verða á vegi þeirra.

Um 70 ungir einstaklingar greinast á ári hverju og hefur það bæði áhrif á þau greindu sem og fjölskyldu og ástvini þeirra. Vitundarvakningin er hafin og stendur til 6. júní og ætlar Kraftur að selja armbönd á tímabilinu sem verða seld í takmörkuðu upplagi en öll armböndin eru perluð af sjálfboðaliðum.

„Hver perla hefur sína sögu er yfirskrift átaksins í ár og vísar til lífreynslu okkar félagsmanna og hvaða þýðingu „Lífið er núna“ armbandið hefur fyrir þau. Sem fyrr verður slagorð Krafts „Lífið er núna“ í hávegum haft og munum við hvetja fólk til að „sýna Kraft í verki“ með því að perla með okkur armbönd eða kaupa þau. En með því að bera armbandið sýnir fólk stuðning sem það jafnvel áttar sig ekki alveg á en félagsmenn okkar finna ætíð fyrir meðbyr og stuðningi þegar þeir sjá aðra með armböndin,“  segir Hulda Hjálmarsdóttir, framkvæmdastjóri Krafts.

Kraftur stendur fyrir risaperluviðburði í Hörpu sunnudaginn 22. maí þar sem markmiðið er að slá Íslandsmet sem var sett fyrir fjórum árum í perlun armbanda. Fólk getur komið og perlað í nokkrar mínútur og allt upp í fjórar klukkustundar, allt eftir þeirra hentisemi en viðburðurinn verður milli klukkan 13:00 og 17:00. Skemmtidagskrá verður á svæðinu fyrir alla fjölskylduna en nánari dagskrá verður auglýst síðar á Facebook viðburðinum <a href="https://www.facebook.com/events/1174166250003445">https://www.facebook.com/events/1174166250003445</a>  Íslandsmetið stendur nú í 4.233 armböndum. Kraftur hvetur því alla landsmenn til að koma og leggja hönd á perlu. Svipaður viðburður verður svo einnig á Akureyri, 28. maí en nánar má sjá um hann hér. <a href="https://www.facebook.com/events/515430249990649/">https://www.facebook.com/events/515430249990649/</a>

Armböndin eru komin í forsölu í vefverslun Krafts á <a href="http://www.lifidernuna.is">www.lifidernuna.is</a>  og verða einnig í völdum verslunum Krónunnar sem og vefverslun Krónunnar eftir stóra perluviðburðinn. Armböndin kosta 2.900 krónur og rennur allur ágóði af þeim í starfsemi Krafts og í að styðja þar með við bakið á ungu fólki sem greinst hefur með krabbamein og aðstandendum.

Perlað verður af krafti næstu daga fyrir Kraft