Smit í Brekkubæjarskóla

Upp hefur komið smit í hópi nemenda í einum árgangi í Brekkubæjarskóla á Akranesi og eru allir nemendur og starfsmannateymið sem honum tengist komnir í sóttkví. Einnig er einn starfsmaður veikur og árgangur sem hann kom að er kominn í sóttkví ásamt hluta starfsfólks þess árgangateymis. Að auki er hluti af nemendum annars árgangs kominn í smitgát vegna sama tilfellis. Elsa Lára Arnardóttir, aðstoðarskólastjóri, segir í tilkynningu frá Brekkubæjarskóla að búið sé að láta alla vita sem sóttkvíin eða smitgátin nær til. „Við vonum að þetta breiðist ekki meira út og við biðjum ykkur um að fara með börnin ykkar í sýnatöku ef þau eru með minnstu einkenni. Við vitum ekki betur en að nemendurnir og starfsmaðurinn séu með væg einkenni og við sendum þeim og ykkur öllum hlýja strauma.“

Líkar þetta

Fleiri fréttir