medium

large

thumbnail

1536x1536

small

custom-size

Héldu smiðjuhelgi í Borgarnesi

Ekki byrði heldur virði – virkara og hraustara eldra fólk

2048x2048

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

core/freeform

Skagamenn tóku á móti liði FH í Pepsi Max deild karla í knattspyrnu á Akranesvelli í gær. Mikill vestan-hliðarvindur var á vellinum og rigning og mjög erfiðar aðstæður til knattspyrnuiðkunar. ÍA menn setti hápressu á lið FH í byrjun leiks og voru miklu betri fyrsta korterið. Á þrettándu mínútu átti Gísli Laxdal Unnarsson gott skot að marki sem markvörður FH varði og í kjölfarið var mikill atgangur í teig gestanna en ekki náðu Skagamenn að koma tuðrunni inn. Fyrsta skot FH á markið kom á 15. mínútu en Árni Marinó, markvörður Skagamanna, varði það auðveldlega. Skagamenn voru fastir fyrir og FH átti erfitt með að byggja upp spil og vegna mikils vinds voru leikmenn beggja liða einnig í miklum erfiðleikum með að ráða við boltann og gefa einfaldar sendingar. Eftir um hálftíma leik kom fyrsta mark leiksins; Hlynur Sævar Jónsson, leikmaður ÍA, togaði þá Steven Lennon niður í teignum og Lennon skoraði sjálfur úr vítaspyrnunni með því að senda Árna Marinó í vitlaust horn. Lítið markvert gerðist í fyrri hálfleik eftir þetta og staðan 0-1.

Seinni hálfleikur var varla byrjaður þegar mjög ódýrt víti var dæmt á Skagamenn þegar Alexander Davey var dæmdur brotlegur eftir að hafa flækst saman við Eggert Gunnþór Jónsson, leikmann FH. Lennon steig aftur á punktinn og skaut beint á markið og kom FH í tveggja marka forystu. Skondið atvik gerðist skömmu síðar þegar brotið var á Ísak Snæ Þorvaldssyni, leikmanni ÍA, við miðlínuna og dómari leiksins tók upp spjald til að gefa leikmanni FH. Rauða spjaldið fór á loft en einungis líklega vegna þess að dómarinn hafði týnt gula spjaldinu en hann fékk það lánað á staðnum hjá eftirlitsmanni leiksins. Skömmu síðar skoraði títtnefndur Lennon sitt þriðja mark í leiknum eftir gott spil í gegnum vörn ÍA þegar hann renndi boltanum undir Árna Marinó og gerði þar með út um leikinn. Skagamenn gáfust þó ekki upp og Brynjar Snær Pálsson átti skot í stöng á 67. mínútu en það sem eftir lifðu leiks hefði FH getað bætt við fullt af mörkum. Steven Lennon fékk dauðafæri en skaut yfir, síðan áttu gestirnir skot í samskeytin og undir lok leiksins fékk FH dauðafæri eftir fyrirgjöf og fyrrum leikmaður ÍA, Morten Beck, átti skalla rétt fram hjá marki Skagamanna.

Skagamenn voru ekki að spila sinn besta leik. Alexander Davey og Gísli Laxdal voru þeirra skástu menn og Árni Marinó verður ekki sakaður um mörkin. Skagamenn gerðu tvær breytingar frá síðasta leik gegn Val; Hlynur Sævar og Guðmundur Tyrfingsson komu inn fyrir þá Jón Gísla Eyland sem var í leikbanni og Hall Flosason sem var meiddur. Þeir náðu ekki að setja mark sitt á leikinn frekar en flestir leikmenn ÍA en nú er bara að spýta í lófana og gera betur í næsta leik.

Skagamenn eru enn í neðsta sæti deildarinnar með níu stig eftir 14 leiki og eru nú fjórum stigum frá fallsæti þar sem Stjarnan situr nú. Næsti leikur Skagamanna er einmitt gegn Stjörnunni á Samsungvellinum í Garðabæ miðvikudaginn 4. ágúst og hefst klukkan 19.15.

Skagamenn í erfiðum málum í Pepsi Max deildinni