medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Sláttur er nú víða að hefjast hjá bændum um vestanvert landið, svo sem í Dölum, Snæfellsnesi og Borgarfirði. Grasspretta tók verulega við sér í kjölfar úrkomu og hlýnandi veðurs í síðustu viku. Á friðuðum túnum hjá kúabændum er því komin þokkaleg slægja. Á það ekki síst við svæðið kringum Akrafjall þar sem sprettur oft snemma. Meðal bænda sem byrjaðir eru heyskap er Haraldur Benediktsson bóndi á Vestra-Reyni. Haraldur sló heimatúnið á miðvikudaginn og rúllaði uppskerunni síðdegis í gær. Honum til aðstoðar var Hjálmar Ingibergsson systursonur hans sem léttir gjarnan undir í búverkunum. Haraldur segir ágæta sprettu og því ekkert að vanbúnaði að hefja slátt. „Það var ekki eftir neinu að bíða að slá heimatúnið,“ sagði Haraldur léttur í bragði, greip upp væna heytuggu og bauð blaðamanni að lykta af ilmandi töðunni. Var að því búnu stiginn upp í Massey Ferguson dráttarvélina sem dró sambyggða Claas rúllu- og pökkunarvél, og rúllaði fyrstu uppskeru sumarsins glaður í bragði.

https://www.youtube.com/watch?v=5SK3Gl2tmvc

Kúabændur byrjaðir slátt