medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Skemmtilegir viðburðir voru í boði um alla sveit um liðna helgi þegar Hvalfjarðardagar fóru fram. Í félagsheimilinu Miðgarði opnaði Áskell Þórisson sýninguna „Ljósmyndir og litaflóð“ á föstudeginum. Á laugardeginum kom fólk saman í dögurði á Hótel Glym áður en fjölskyldudagskrá hófst um alla sveit. Feðginin Bjarni Þór og Sara Björk opnuðu myndlistarsýninguna „Blús í hús“ í Fannahlíð. Á Leirá var haldin flughátíð og lét sólin meira að segja aðeins sjá sig af því tilefni. Félagar úr Fisfélagi Reykjavíkur komu og lentu vélum sínum á Leirá og gáfu fólki kost á að skoða vélarnar auk þess sem Björgunarfélag Akraness var með brot af sínum búnaði til sýnis. Þyrla Landhelgisgæslunnar kom og sýndi dæmi um björgunaraðgerð þar sem fólk seig niður með börur og var svo híft upp aftur. Þá var boðið upp á útsýnisflug með þyrlu frá Helo til styrktar Björgunarfélagi Akraness.

Í Melahverfi var vegleg dagskrá þar sem allir gátu fundið eitthvað skemmtilegt að gera. Boðið var upp á froðubolta og teymt undir börnum sem það vildu. Þá voru traktorar og fornbílar til sýnis og markaðstjald sett upp. Þá var grillveisla í boði SS, MS og Krónunnar. Felix Bergsson kom og skemmti fólki og mikil stemning var í Melahverfinu þennan dag. Í Álfholtsskógi var boðið upp á gönguferðir um skóginn og plöntugreiningu. Þar voru einnig víkingar við leik og störf. Um kvöldið var svo boðið upp á sundtónleika í sundlauginni að Hlöðum. Á sunnudeginum voru listsýningar opnar í Fannahlíð og Miðgarði. Þá voru sumartónleikar með Diddú og drengjunum í Hallgrímskirkju í Saurbæ. Hátíðin endaði svo með tónleikum með Svavari Knúti á Bjarteyjarsandi á sunnudagskvöldinu.

<em>Myndasyrpa frá Hvalfjarðarsdögum birtist í Skessuhorni sem kom út í dag. </em>

Hvalfjarðardagar voru haldnir hátíðlegir um liðna helgi