medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Skallagrímsmenn unnu sannfærandi sigur á Álftanesi þegar liðin mættust í annarri viðureign 8-liða úrslita 1. deildar karla í körfuknattleik í Borgarnesi í gærkvöldi. Álftnesingar unnu fyrstu viðureign liðanna þegar þau mættust á föstudag og leiddu því einvígið 1-0. Þurftu Skallagrímsmenn að sigra til að halda sér á lífi í úrslitakeppninni sem þeir svo gerðu í gærkvöldi en vinna þarf tvo leiki til að komast áfram í undanúrslit.

Borgnesingar mættu grimmir til leiks á heimavelli sínum, Fjósinu, og slógu tóninn strax á upphafsmínútunum. Eftir fyrsta fjórðung leiddu þeir gulklæddu með sjö stigum og áttu bara eftir að bæta við forskot sitt. Í öðrum leikhluta skelltu heimamenn nánast í lás á gestina sem þurftu að hafa sig alla við til að reyna að stoppa sóknarleik þeirra fyrrnefndu. Juku Skallagrímsmenn forskot sitt enn fremur og komu sér í vænlega stöðu fyrir síðari hálfleikinn, 46-29.

Heimamenn héldu uppteknum hætti í seinni hálfleik og léku á alls oddi á báðum endum vallarins. Héldu þér forskotinu sem þeir lögðu grunninn að í upphafi leiks út leiktímann og endaði leikurinn á sannfærandi hátt með 92-75 sigri Skallagríms.

Atkvæðamestir í liði Borgnesinga voru þeir Nebojsa Knezevic, Eyjólfur Ásberg Halldórsson og Marques Oliver með 20 stig hver. Auk þess var Eyjólfur Ásberg með 9 fráköst og 8 stoðsendingar og Marques með 12 fráköst.

Í liði gestanna var Cedrick Taylor Bowen stigahæstur með 17 stig og 6 fráköst. Orri Gunnarsson var næststigahæstur í liði Álftaness með 13 stig.

Með sigrinum jafna Skallagrímsmenn einvígið 1-1. Oddaleikur liðanna fer fram í Forsetahöllinni á Álftanesi á föstudaginn kemur 14. maí kl. 19:15 og þá kemur í ljós hvaða lið fer áfram í undanúrslit.

Skallagrímsmenn knúðu fram oddaleik