medium

large

thumbnail

1536x1536

2048x2048

small

custom-size

Mokafli eftir hrygningarstopp

Tindur í Ólafsvík rifinn

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

Skrifað undir við skátana í Dalabyggð

Fyrirhugaðir búferlaflutningar kannaðir á Vesturlandi

core/freeform

Í gær fór fram þriðja útiæfingin á þessu ári hjá Pútthópi Borgarbyggðar og var hún á Hamri. Hópurinn hefur aldrei hafið æfingar svo snemma árs utan dyra en æfingaaðstaðan í Brákarey er lokuð eins og mörgum er kunnugt.

„Það hefur á ýmsu gengið hjá þessum áhugasama hópi í vetur. Lokanir vegna Covid-19 hafa komið niður á okkur en í byrjun febrúar var hópnum, ásamt öðrum í húsunum, gert að yfirgefa æfingasvæðið í gamla sláturhúsinu í Brákarey. Síðasta æfing þar fór fram 11. febrúar. Við hins vegar dóum ekki ráðalaus og leituðum í vetur til golfklúbba í nágrannasveitarfélögum um æfingaaðstöðu. Brugðust þeir vel við. Farnar voru sex æfingaferðir á Akranes og æft hjá Golfklúbbnum Leyni og fimm hjá Golfklúbbi Mosfellsbæjar. Alls tóku 25 félagar þátt í þessum ferðum. Eknir voru samtals um 6.400 kílómetrar og rúmlega 100 þúsund krónur greiddar í æfingagjöld. Við væntum þess að jákvæðar niðurstöður fáist fyrir næsta vetur um æfingaaðstöðu í Borgarnesi svo ekki þurfi að leita aftur til annarra sveitarfélaga,“ segir Ingimundur Ingimundarson þjálfari hópsins.

Ingimundur segir að bjartsýni ríki fyrir sumarvertíðina og líkur séu á að um 30 félagar muni stunda púttæfingar í sumar. „Mikill hugur er í fólki að standa sig vel í hinum ýmsu mótum í sumar,“ sagði Ingimundur.

Á myndunum eru félagar í Pútthópi Borgarbyggðar á þriðju útiæfingu sinni sem fram fór í gær.

<img class="alignnone size-medium wp-image-44415" src="https://skessuhorn.is/wp-content/uploads/2021/05/Putthopur-Borgarbyggdar-byrjar-snemma-utiaefingar-sinar_2-600x450.jpg" alt="" />

Pútthópur Borgarbyggðar byrjar snemma útiæfingar sínar